Ikipe ya Real Madrid yatsinze ikipe ya Atletico madrid iyitwara igikombe kiruta ibindi nyuma ya penariti
Nyuma y’aho ikipe ya Atletiko Madrid itsindiye ikanakuramo ikipe ya FC BARCELONA muri kimwe cya kabiri mu mikino yo guhatanira igikombe cya Super Coupe mu gihugu cya Espanye, iyo kipe yagombaga kwisobanura n’ikipe ya Real Madrid kugira ngo haboneke ikipe yegukana icyo gikombe kiruta ibindi byose muri Espanye.
Ni umukino wabereye mu gihugu cya Arabiya Saoudite mu mugi wa Djeddah ubera kuri stade ya “Sport City Stadium” kuri iki cyumweru taliki ya 12 mutarama 2020 ahagana saa yine z’ijoro.
Umukino watangiranye ishyaka ku mpande zombi ariko Real Madrid ijya hejuru gayo ya Atletico, impande zombi zagiye zibona amahirwe yo gutsinda ariko bikanga. Iminota 90 y’umukino yarangiye ata kipe ibonye izamu ry’indi, umusifuzi yatanze iminota 30 y’inyongera kugira ngo amakipe yisobanure ariko biba iby’ubusa, muri iyo minota wabonaga abakinnyi ku mpande zombi bakinana imbaraga, ku munota wa 116 umukinnyi wa Real Madrid Federico Valverde yahawe ikarita y’umutuku kubera ikosa ryiswe nk’iry’ubutwari yakoreye rutahizamu wa Atletico Madrid.
Ni ikosa ryiswe irya gitwari kuko ata yandi mahitamo yari afite
Yahise ahabwa ikarita y’umutuku asohorwa mu kibuga.
Iminota 120 yose yaje kurangira amakipe yose anganya ubusa ku busa, hiyambazwa za penariti, ikipe ya Atletico Madrid itsinda imwe gusa, mu gihe Real Madrid ibifashijwemo na Courtois Thibault umunyezamu wayo binjijemo penaliti enye biyiha amahirwe yo kwegukana igikombe cya super coupe ku nshuro yayo ya 11.
Ni igikombe cya 11 cya Super coupe ikipe ya RealRayon madrid yari itwaye
Igikombe ikipe ya Real Madrid itwaye, kiyongere ku bindi Zinedine Zidane atwaye ariI kumwe n’iyo kipe nyuma yo gutwara igikombe cya shampiyona mu mwaka wa 2017, atwara super coupe 2017 na 2020, yongera atwara champions league eshatu mu myaka ya 2016, 2017, na 2018 Zidane yongera gutwara ibikombe bibiri by’amakipe yabaye aya mbere ku migabane yabo mu myaka ya 2016 na 2017
