Zinedine Zidane Yongeye agaruka mu ikipe ya REAL MADRID

1,780

Nyuma yo gusezera mu ikipe ya REAL MADRID, kuri ubu ZINEDINE ZIDANE yongeye ayigarukamo nk’umutoza mukuru asimbura bwana SANTIAGO SOLARI

Amakuru agezweho mu isi ya ruhago, ni igaruka ry’umutoza w’umunyabigwi uzwi ku izina rya ZINEDINE ZIDANE mu ikipe ya REAL MADRID, amakuru dufitiye gihamya, dukesha ikinyamakuru l’Equipe, aravuga ko nyuma yo kumvikana na Prezida w’ikipe ya Real Madrid bwana Perez, Zinedine Zidane yemeye kongera kugaruka agatoza ino kipe kuri kontaro izageza mu mwaka w’i 2022.

Zinedine Zidane w’imyaka 46 y’amavuko, agarutse muri ino kipe nyuma y’uko ayisezeyemo mu mwaka w’i 2018 mu kwezi kwa gatanu, asiga ayanditsemo amateka atarigeze yandikwa n’indi kipe iyo ariyo yose kuko kugeza ubu ariwe wayihesheje ibikombe bitatu bya UEFA CHAMPIONS LEAGUE, ikintu kitari cyagerwaho n’indi kipe iyo ariyo yose cyangwa umutoza uwo ariwe wese.

Zinedine Zidane yagiye yishimirwa n’abakinnyi benshi kuko bamwibonagamo.

Zinedine Zidane asanze ikipe ya REAL MADRID Iri ku mwanya wa Gatatu wa championnat ya Espagne ikaba irushwa amanota agera kuri 12 yose n’umukeba we FC BARCELONA.

ZINEDINE ZIDANE afite akazi ko kuvana ikipe kuri uwo mwanya ikintu abantu benshi babona azashobora kuko ata munaniro mwinshi abakinnyi be bazagira kuko amwe mu marushanwa akomeye iyo kipe imaze kuyasezeramo kuko iherutse no kuva mu mikino ya UEFA CHAMPIONS LEAGUE, ndetse ikaba iherutse gutsindwa na mukeba we imikino 2 ikurikirana yo mu gikombe cy’umwami.

 

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa