Ese Umubano wa Safi n’umugore we utuye muri Canada uhagaze ute uyu munsi?

1,402

Safi Madiba yasabye anakwa Niyonizera Judithe tariki ya 1 Ukwakira 2017 mu muhango wabereye ku musozi wa Rebero mu Mujyi wa Kigali.

Kuri uwo munsi ni nabwo bahamije isezerano ryab0 mu nzira z’amategeko mu Murenge wa Remera.

Safi Madiba wabarizwaga mu itsinda rya Urban Boys yatunguye benshi ubwo impapuro z’ubutumire zajyaga hanze habura iminsi mike cyane ngo ubukwe butahe.

Amafoto y’umukunzi we yatangiye kujya hanze, gusa abemeraga ko ari we ugiye kwitwa akara ko mara ya Niyibikora bari mbarwa.

“Safi tuzi wari warasijije Knowless na Mutesi Parfine ni uyu agiye kurongora?” Niko benshi bibazaga.

Bitandukanye n’ibyo benshi batekerezaga yashimye Niyonizera Judithe umunyarwandakazi usanzwe uba muri Canada.

Ubukwe bwaratashye, amagambo aravugwa! Ngo Safi akurikiye ifaranga, arashaka visa imujyana muri Canada n’ibindi.

Nyuma umusaza wakundanye na Judithe ashyira hanze amafoto ye yambaye utwenda tw’imbere gusa mu rwego rwo kumwihimuraho kuko ngo yamuhemukiye.

Ukwezi kwa buki bakuririye muri Tanzania, ku nyanjya y’Ubuhinde nyuma bagaruka mu Rwanda ariko umugore ahita asubira muri Canada.

Safi Madiba yongeye kurara wenyine nk’uko byari bisanzwe akiri ingaragu, gusa rimwe na rimwe umugore we anyuzamo akinyabya akamusura ubundi akongera akurira indege.

Mu kiganiro yagiranye n’ikinyamakuru Igihe dukesha iyi nkuru , Safi yavuze uko ameranye n’umugore we, niba utekereza ko kutabana n’umugore hari icyo bihungabanya kuri Safi birashoboka ko waba wibeshya! Uyu mugabo ngo iyo yumvise afite irungu, ariganzisha kwirebera filime, kumva imiziki no gusura inshuti.

Ikoranabuhanga ryarabyoroheje kuko ngo bavugana kenshi gashoboka yakumva urukumbuzi rwamuganje akamuhamagara urwabo bakarukomeza.

Ati “Turavugana buri munsi buri kanya. Hari n’ubwo tuvugana inshuro eshanu kimwe n’uko hari ubwo tutavugana gusa bibaho ko tuvugana inshuro nyinshi cyane. Iyo urukumbuzi ruhari turavugana byaba ngombwa mfite akazi nkamubwira nti fata indege vuba vuba uze. Biroroshye ni amasaha 12 aba ageze aha.”

Safi Madiba yahishuye ko iyo umugore ari mu Rwanda ikintu kimugora cyane ari ari amasaha.

Ati “Amasaha y’inaha n’ayo muri Canada biratandukanye usanga iyo ahari asinzira mu gitondo kubera kutamenyera inaha.”

N’ubwo bajya babonana nta munsi n’umwe Safi arafata indege ngo ajye gusura umugore we muri Canada. Kuri ubu, uyu mugabo ari mu myiteguro yo kujya kumusura mbere y’uko uyu mwaka urangira.

Ati “ Ndateganya kujya kumusura muri uyu mwaka. Hari ibyo ndi kubanza gushyira ku murongo.”

Niyonizera Judithe aheruka mu Rwanda mu mpera z’umwaka wa 2018, icyo gihe yanaherekeje umugabo mu ruzinduko rw’akazi yagiriye i Dar es Salaam muri Tanzania aho yari yagiye kumenyekanisha indirimbo ye yakoranye na Harmonize yitwa “Ina Million.”

Safi Madiba aherutse gushyira hanze indirimbo ye yise “Kontwari” izakurikirwa n’indi yakoranye na Riderman yitwa Mambata.

 

Src:Igihe

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa