Uganda: Yoweli Museveni na Amuriat bariyamamariza mu gace kamwe, hitezwe imvururu mu babashyigikiye
Kuri uyu wa kabili taliki 17 Ugushyingo, muri Uganda, abakandita 2 ku mwanya wa Perezida aribo Yoweli Museveni usanzwe ayoboye iki gihugu, na Patrick Amuriat wo mu ishyaka Forum for Democratic Change (FDC) bariyamamariza mu karere ka Kitgum.
Kuba aba bagabo bari bwiyamamarize mu gace kamwe, ngo byitezweho ko bishobora gukurura imvururu hagati y’abashyigiye abiyamamaza nkuko bivugwa na polisi yo muri ako karere.
Kuri Gahunda ya Komisiyo y’amatora muri Uganda, aba bagabo bombi bagomba guhurira muri Kitgum muri gahunda yo kwiyamamaza, Polisi yaho ikaba yasabye iyi komisiyo kubafasha kugirango iki gikorwa kigende neza.
Amatora y’umukuru w’igihugu muri Uganda ateganyijwe kuba ku italiki 14 Mutarama 2021.
