USA: ABATUYE MURI MINNESOTA BATEGUYE IMYIGARAGAMBYO IRWANYA IMITEGEKERE YA TRUMP.

ABATUYE MINESSOTA BATEGUYE IBIKORWA BIRENGA 3OOO BYO KEIGARAGAMBYA BAMAGANA UBUTEGETSI BWA DONALD TRUMP.

Iyi myigaragambyo yateguwe n’abatuye muri Leta ya Minnesota, hagamijwe kwamagana ubutegetsi bwa Donald Trump, bayise “No Kings“, bishatse kuvuga ngo “Nta bami” bashaka kumvikanisha ko badashyigikiye imitegekere y’umukuru w’iki gihugu irimo kwivanga mu ntambara hirya no hino ku isi.

Ababiteguye nibo batangaje ko ibikorwa 3100 aribyo bitegenyijwe kubera hirya no hino muri leta 50 zose zigize iki gihugu.Bongereyeho kandi ko bateganya kubona abarenga ibihumbi 100 bitabira iki gikorwa hirya no hino kiri bubere. Imyigaragambyo iheruka yabaye muri Kamena, yitabiriwe n’abarenga ibihumbi 80 bturutse hirya no hino muri Leta zunze Ubumwe za Amerika.

Hatumiwemo abo mu ngeri zose barimo abahanzi, abakozi n’abandi bashobora kuba baragizweho ingaruka n’ibikorwa bya Donald Trump birimp no gusubiza abimukira mu bihugu baturutsemo.