CHAN: Ikipe ya MAROC yegukanye CHAN ihembwa akayabo ka miliyari 1.25 y’Amanyarwanda.

683
Image result for maroc remporte le CHAN

Ikipe ya Maroc yongeye yisubiza igikombe cya CHAN nyuma yo kunyagira ikipe ya Mali ibitego bibiri byose ku busa

Kuri iki Cyumweru taliki 07 Gashyantare 2021 ni bwo hasojwe imikino y’Afurika y’ibihugu mu bakinnyi bakina imbere mu gihugu “CHAN 2020”. Iyi mikino yaberaga  muri Cameroun kuva taliki 16 Mutarama 2021.

Ikipe y’igihugu ya Morocco  yitwaye neza yisubiza igikombe nyuma yo gutsinda ikipe ya Mali ibitego 2-0. Ibi bitego bya Morocco byatsinzwe na Soufiane Bouftini ku munota wa 69 na Ayoub El Kaabi ku munota 79.  Umukinnyi w’ikipe ya Mali, Issaka Samake yahawe ikarita y’umutuku ku munota wa 90.

Morocco yisubije iki gikombe dore ko n’irushanwa rya CHAN  riheruka muri 2018 yegukanye igikombe itsinze ku mukino wa nyuma ikipe y’igihugu ya Nigeria ibitego 4-0. Iri rushanwa rikaba ryari ryabereye muri Morocco. Muri  CHAN 2020, Morocco itwaye igikombe idatsinzwe na rimwe uretse umukino umwe yanganyije 0-0 n’u Rwanda  mu itsinda.

Ku ruhande rwa Mali ni inshuro ya kabiri itsindiwe ku mukino wa nyuma kuko muri CHAN 2016 yabereye mu Rwanda, Mali yatsinzwe na RDC ibitego 3-0 ku mukino wa nyuma.

Mbere y’umukino wa nyuma wa CHAN 2020, taliki 06 Gashyantare 2021 habaye umukino wo guhatanira umwanya wa 3,  ikipe y’igihugu ya Guinea yitwaye neza itsinda Cameroun yakiriye irushanwa ibitego 2-0 byatsinzwe na Morlaye Sylla ku munota wa 9 na Mamadouba Bangoura ku munota wa 45.

Image result for maroc remporte le CHAN

Ikipe ya Morocco yegukanye CHAN 2020  uretse igikombe, yagenewe na miliyoni 1.25 y’amadorali y’Amerika ni ukuvuga angana  miliyari 1  na miliyoni 231  n’ibihumbi 250 by’amafaranga y’u Rwanda. Ikipe ya Mali yabaye iya kabiri yagenewe ibihumbi 700 by’amadorali angana na miliyoni 689.5 z’amanyarwanda. Ikipe yegukanye umwanya 3, Guinea yahawe ibihumbi 400 by’amadorali angana  na miliyoni 394 z’amafaranga y’u Rwanda naho ikipe ya Cameroun yasoreje ku mwanya wa 4 ihabwa ibihumbi 300 by’amadorali  ahwanye na miliyoni 295.5 z’amafaranga y’u Rwanda.

Iri rushanwa rya CHAN  ryatangiye gukinwa muri 2009,  nyuma y’iyi nshuro ya 6, RDC  na Morocco ni zo kipe zimaze guca agahigo ko kweguka igikombe inshuro 2. Ikipe y’igihugu ya RDC yegukanye igikombe cya CHAN  muri 2009 na 2016 mu gihe Morocco yegukanye CHAN 2018 na 2020. Izindi nshuro 2 ni Tunizia yegukanye CHAN 2011 na Libya yegukanye CHAN 2014.

Ikipe y’igihugu ya RDC, Uganda na Zimbabwe ni zo fite agahigo ko kwitabira inshuro nyinshi iri rushanwa (5). Irushanwa ritaha, CHAN 2022 rizabera muri Algeria mu mwaka wa 2023.

Image result for maroc remporte le CHAN

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa