Leta imaze gushyiraho amasaha ntarengwa utubare tutagomba kurenza mu rwego rwo gukumira coronavirus
Nyuma y’aho kuri uyu wagatatu hagaragaye abarwayi batatu biyongera ku munani bari basanzwe baragaragajwe ko bafite virusi ya Corona, ingamba nshya zakomeje gufatwa mu rwego kurinda ihererekanywa ry’ubwandu bwa Coronavirus, none kuwa gatanu, Ministeri y’ubutegetsi bw’igihugu yageneye itangazo Abaturarwanda ibamenyesha igihe utubare tutagomba kurenza dukora. Utubare two mu mugi ntitugomba kurenza saa tatu dukora, mu gihe utwo mu cyaro tutagomba kurenza saa moya.
Ministeri yongeye kwibutsa abayobozi b’inzego z’ibanze gukurikirana ishyirwamubikirwa ry’aya mabwiriza. Kugeza ubu mu Rwanda abagera kurI 11 nibo bamaze kumenyekana ko bafite ubwandu bwa coronavirus.
