Nyina wa Ronaldinho yahitanywe n’icyorezo cya Covid-19

342

Nyina wa Ronaldinho Gaùcho ufatwa nk’umunyabigwi mu mupira w’amaguru, Dona Miguelina, yitabye Imana kuri uyu wa Gatandatu azize Coronavirus.

Inkuru y’urupfu rw’uyu mubyeyi w’imyaka 71 y’amavuko yatangajwe n’Umuyobozi w’Umujyi wa Belo Horizonte uri mu Majyepfo ya Brésil, wanditse ubutumwa kuri Twitter yihanganisha Ronaldinho.

Yagize ati “Ronaldinho muhungu wanjye, nzi icyo kubura umubyeyi bivuze. Ibyiyumvo byanjye muri aka kanya birakomeye cyane.”

Ku wa 22 Ukuboza umwaka ushize ni bwo uyu mugabo uri mu banditse amateka akomeye muri ruhago yanditse kuri Twitter ko umubyeyi we yagaragayeho Coronavirus, ariko iki gihe yavugaga ko yizeye ko azakira vuba kuko ari kwitabwaho.

Ronaldinho ni umunyabigwi muri ruhago wamenyekaniye cyane mu Ikipe y’Igihugu ya Brésil n’iya Barcelona ndetse yatwaye ibihembo bitandukanye birimo na Ballon d’Or.

(Src:Igihe)

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa