Tanzania: Leta yasabye abaturage gufata iminsi 3 yo gushimira Imana kubera ko yabakijije icyorezo cya covid-19

1,375
Tanzania president tells Burundian refugees 'not to expect ...

Prezida John Pombe Magufuli wa Tanzaniya yasabye ko abaturage bafata iminsi itatu yo gusenga bashimira Imana kuba yarabarinze icyorezo cya coronavirus

Nyuma yaho igihugu cya Tanzania binyuze mu ijwi rya prezida wa repubulika Dr John Pombe Magufuli, cyasabye abaturage ko bafata iminsi itatu bagasenga Imana bayishimira kubera ko yabarinze icyorezo cya covid-19 kikaba kiri kugabanuka.

Igihugu cya Tanzaniya yakunze kugaruka mu majwi ya benshi bitewe no kwiringira amasengesho ndetse no kwanga kumvira OMS/WHO ku bijyanye n’ihagarikwa ry’ibikorwa kubera Covid-19. Uyu munsi iki gihugu cyatangiye amasengesho azamara iminsi itatu yo gushimira Imana kubera igabanuka rya covid-19.

Hashize hafi ibyumweru bitatu iki gihugu gihagaritse gutangaza amakuru mashya ya buri munsi ajyanye n’umubare w’abanduye. Byatumye hibazwa byinshi ku ishusho nyakuri y’uko iki cyorezo gihagaze muri iki gihugu.

Iyi ni indi nshuro Bwana Magufuli asabye abaturage ba Tanzania gusenga iminsi itatu, uhereye ku wa Gatanu kugeza ku Cyumweru. Kuri iyi nshuro avuga ko ari uburyo bwo kwereka Imana ko bashima icyo yavuze ko ari igabanuka ry’umubare w’abanduye Covid-19 mu gihugu.

Abategetsi b’inzego z’ibanze – nk’urugero umukuru w’akerere k’umujyi wa Dar es Salaam – banasabye abantu ko ku cyumweru bazitabira igikorwa cyo kwishimira irangira rya coronavirus.

Iyo gahunda yo guhura igaragara nk’irenga ku mabwiriza y’ishami ry’umuryango w’abibumbye ryita ku buzima (OMS/WHO) abuza kwegerana mu rwego rwo kwirinda kwiyongera k’ubwandu bwa coronavirus.

Muri iki cyumweru, leta ya Tanzania yatangaje ko izongera gufungura amashuri amwe n’amwe ndetse ko n’ibikorwa by’imikino bigiye gusubukurwa.

Ibyibazwa  ku ‘igabanuka’ ry’ubwandu

Leta ya Tanzania yanatangaje ko guhera mu cyumweru gitaha izemerera abagenzi baturutse mu mahanga kwinjira mu gihugu.

Depite Zitto Kabwe utavuga rumwe n’ubutegetsi bwa Tanzania, yanenze izo ngamba za leta avuga ko atari ukuri ko imibare ya Covid-19 iri kugabanuka mu gihugu.

Mu ntangiriro y’uku kwezi kwa gatanu, Leta Zunze Ubumwe z’Amerika zatangaje ko leta ya Tanzania ahanini itangaza imibare iri hasi cyane y’ubwandu bwa coronavirus.

Hashize hafi ibyumweru bitatu abategetsi ba Tanzania badatangaza imibare mishya y’ubwandu bwa coronavirus.

Magingo aya, urubuga rwa Wordmetric.info rwerekana ko Tanzania ifite abantu banduye Covid-19 bangana na 509, muri bo abagera ku 183 barakize abandi bagera kuri 305 baracyarwaye naho 21 baraphuye. 

Tanzania president tells Burundian refugees 'not to expect ...

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa