Umupolisi Yicishijwe Amabuye n’Abaturage bariye karungu

15,137

Umupolisi mu gihugu cya Malawi abaturage bari mu myigaragambyo bamwicishije amabuye mu gitondo cyo kuri uyu wa kabiri.

Mu gitondo cyo kuri uyu wa kabiri taliki ya 8 Ukwakira, abaturage bari mu myigaragambyo mu gihugu cya Malawi bariye karungu bicisha amabuye umwe mu bapolisi barimo bakumira iyo myigaragambyo yaberaga mu mujyi wa Lilongwe.

Bwana JAMES KADADZERB umuvugizi wa Polisi ya Malawi yatangarije ikigo ntaramakuru cy’Abafaransa AFP dukesha ino nkuru ko ibyo byabaye kuri uno wa kabiri ubwo abaturage batemeye ibyavuye ma matora ya Prezida bashyamiranaga n’abari ku ruhande rwa guverinoma maze uwo mu polisi agwa mu gaco k’abigaragambya maze bamwicisha amabuye.

Polisi yatangaje ko abigaragambya 12 bari mu maboko ya polisi. Amatora yabaye mu gihugu cya Malawi mu kwezi kwa Gatanu uno mwaka, amajwi agaragaza ko Peter Mutharika ariwe wayatsinze ariko benshi mu baturage kugeza ubu  bakaba baranze kwemera ibyavuye mu matora.

Leave A Reply

Your email address will not be published.