Minisiteri y’Ubuzima iratangaza ko kuri iki Cyumweru tariki 30 Kanama 2020, mu Rwanda habonetse abantu 177 banduye icyorezo cya COVID-19, mu gihe abandi 14 bakize
Abo barwayi bashya 177 barimo abantu 170 bapimwe mu masoko ya Kigali, 5 babonetse i Rusizi, na 2 babonetse i Rubavu.
Muri rusange kugeza kuri iki Cyumweru, abamaze kwandura icyo cyorezo mu Rwanda ni 4,020 muri bo abamaze gukira ni 1,918 naho abakivurwa ni 2,086.
Abamaze kwicwa n’icyo cyo cyorezo bose hamwe mu Rwanda ni cumi na batandatu (16).
Minisiteri y’Ubuzima isaba Abaturarwanda bose gukomeza kwitwararika bubahiriza amabwiriza yo kwirinda ikwirakwira ry’icyorezo cya COVID-19.
Comments are closed.