Ikipe ya Rayon Sport yaraye itakaje amanota abiri imbere y’ikipe ya GAsogi Utd, biravugwa ko yaba imaze gutandukana n’uwari umutoza wayo umwarabu Lofti wari waje avuye muri Mukura VS&L.
Amakuru ahari mu ikipe ya Rayon Sport, aravuga ko iyo kipe yitoreza mu Nzove yaba yamaze gutandukana n’uwari umutoza wayo umwarabu Afhamia Lotfi, nyuma y’aho uyu mugabo amaze imikino ine ikurikirana adatsinda.
Amasezerano y’impande zombi avuga ko Rayon Sport igomba kumuha miliyoni 15 mu gihe yahitamo gusesa amasezerano imbere y’imyaka ibiri uyu mugabo yagombaga gutoza iyi kipe y’i Nyanza.
Bwana Afhamia Lotfi yakiriwe n’abayobozi ba Rayon Sport taliki ya 30 Gicurasi 2025 ubwo yari avuye mu ikipe ya Mukura VSL yari amazemo imyaka itatu, icyo gihe Bwana Lofti yavuze ko yahoranye inzozi zo gutoza ikipe ikomeye nka Rayon y’abafana benshi kandi bakunda ikipe.
Uyu mugabo yirukanywe nyuma y’umunsi wa gatatu wa championnat y’u Rwanda RPL aho yanganije ibitego 2:2 n’ikipe ya Gasogi Utd ndetse akaba atarabashije gustinda ikipe ya Singida yo muri Tanzaniya mu mikino Nyafrika.
Comments are closed.