Ishyirahamwe ry’umupira w’amaguru mu Rwanda FERWAFA rimaze kwanzura ko ritazongera amasezerano uwari umutoza w’ikipe y’igihugu y’umupira w’amaguru AMAVUBI Bwana Frank Trosten, umutoza wari umaze umwaka atoza.
Mu itangazo FERWAFA ivuga ko rigenewe abakunzi b’umupira w’amaguru mu Rwanda riravuga ko nyuma y’ibiganiro hagati y’impande zombi, hafashwe umwanzuro wo kutongera amasezerano y’akazi Bwana Frank Trosten.
Uyu mudage w’imyaka 63 yatangiye umwuga wo gutoza umupira w’amaguru mu makipe y’abakiri bato, aho yabaye umutoza wungirije w’ikipe y’igihugu y’u Budage bw’abatarengeje imyaka 16 mu mwaka wa 1998.
Mu mwaka wa 1999 yabaye umutoza w’ikipe y’igihugu ya Nepal muri uwo mwaka gusa. Kuva 2003 kugera 2005 yabaye Umuyobozi wa tekinike w’igihugu cya Yemen, ako kazi kandi yagakoze muri Sierra Leone mu mwaka wa 2005 ndetse na Mozambique hagati ya 2009 na 2011.
Kuva mu mwaka wa 2000, uyu mutoza yatozaga ikipe yitwa TuS Holzkirchen ibarizwa mu cyiciro cya gatanu mu Budage yitwa Landesliga Bayern Südost
Comments are closed.