Hari amakuru mashya yagiye hanze avuga ku rupfu rwa Dr Muhirwa uherutse kwicwa mu buryo buteye ubwoba yicirwa mu Karere ka Muhanga
Mu minsi mike ishize nibwo hamenyekanye amakuru y’iyicwa rubozo ry’umwalimu Dr Muhirwa Karoro Charles, wiciwe mu Karere ka Muhanga, kuri ubu hari amakuru yagiye hanze yemeza uwamwishe ndetse n’impamvu yamwishe.
Mu iperereza riri gukorwa na RIB, hafashwe umusore witwa Dusabe Albert w’imyaka 28 y’amavuko, uyu akaba yiyemereye ko ariwe wamwishe, ndetse inzego ziakoze ipererza zikaba zemeza ko n’imyenda yari yambaye yari yuzuyeho amaraso, kikaba ari kimwe mu bimenyetso bagendeyeho batangira iperereza.
Uyu musore ukekwaho kugira uruhare muri ubwo bwicanyi, yavuze ko yahawe amafaranga 300,000frs kugira ngo yice nyakwigendera, akaba yarahawe avance y’ibihumbi 70 bakaba baramwijeje kuzamuha andi asigaye namara gusoza igikorwa.
Amakuru avuga ko uwamuhaye ikiraka cyo kwica Dr Muhirwa Karoro ari umugabo witwa Minani Lambert ukorera Croix Rouge mu turere twa Kamonyi na Muhanga, bikavugwa ko uyu mugabo yamujijije isoko rya pharmacie yamutwaye.
Hari andi makuru avuga ko uyu musore ukekwaho kwica Mwalimu Muhirwa yaba yarabifashijwemo n’undi witwa Pilote, uyu akaba ari umushoferi utwara imodoka y’abana biga ku Ishuri ribanza ryigenga mu Mujyi wa Muhanga.
Amakuru avuga ko bano bombi bamaze gutabwa muri yombi
Comments are closed.