Uwayezu Jean Fidele wari umaze imyaka hafi ine ku buyobozi bw’umuryango wa Rayon Sport na Rayon Sport FC yatangaje ko yeguye kuri uwo mwanya.
Uwayezu Jean Fidele wari Perezida w’Umuryango wa Rayon Sports yasezereye ku nshingano ku mpamvu z’Uburwayi.
Ku mugoroba wo kuri uyu wa Gatanu tariki 13 Nzeri 2024, ni bwo ikipe ya Rayon Sports yemeje ko Jean Fidele yahagaritse inshingano zo kuyobora umuryango wa Rayon Sports ibinyujije ku mbuga nkoranyambaga zayo.
Uwayezu w’imyaka 58 yatorewe kuyobora Rayon Sports guhera ku wa 24 Ukwakira 2020, muri manda y’imyaka ine
Manda ye yari isigaje ukwezi kumwe, ndetse akaba akurikiye Umunyamabanga wayo, Namenye Patrick, usigaje iminsi itageze kuri 20 nyuma yo gusezera.
Mu myaka ine Uwayezu yari amaze ku buyobozi bwa Rayon Sports, iyi kipe yatwaye Igikombe cy’Amahoro cya 2023, Super Cup na RNIT Savings Cup by’umwaka ushize
Muri Shampiyona ya 2020/21, iyi kipe yabaye iya karindwi, mu 2021/22 iba iya kane mu ya 2022/23 yabaye iya gatatu mu gihe mu 2023/24 yabaye iya ka kabiri.
Ku ngoma ya Jean Fidele yasize Ikipe y’abagore ya Rayon Sports mu mwaka wa mbere izamutse mu cyiciro cya mbere mu mwaka w’imikino wa 2023/24 nyuma yo gutwara Shampiyona y’Icyiciro cya kabiri.
Umwaka wa mbere mu cyiciro cya mbere Rayon Sports y’Abagore yegukanye igikombe cya Shampiyona mu mwaka w’imikino wa 2023/2024 ndetse n’igikombe cy’Amaharo.
Comments are closed.