Umukobwa wo mu Karere ka Nyanza aherutse kugerageza kwiyahura akoresheje ibinini byica imbeba biranga nyuma y’uko umusore yari yarihebeye amubenze amuziza kuba ngo yarabyariye iwabo.
Mu Karere ka Nyanza haravugwa amakuru y’umukobwa urembeye mu bitaro by’Akarere nyuma y’uko kuri iki cyumweru taliki ya 1 agerageje kwiyahura akoresheje ikinini cyica imbeba bikanga.
Amakuru aturuka muri aka Karere aravuga ko amakuru y’igerageza ry’iki gikorwa cyo kwiyahura yaba yaratanzwe na se umubyara, bikavugwa ko uyu mukobwa yaba yarabitewe n’uko yabenzwe n’umusore w’umumotari yari yarihebeye akamuha umutima we wose hiyongereyeho amafaranga agera ku bihumbi 400 byose undi nawe akaza kumutera ishoti nyuma yo kumenya ko uwo mukobwa yabyariye iwabo.
Umwe mu basore bakora umwuga wo gutwara abantu kuri moto wemeza ko azi neza amakuru y’aba bombi yabwiye indorerwamo.com ati:”Bari bamaze igihe bakundana na mugenzi wacu, ndetse yigeze no kumuha amafaranga ngo yongere ku yo yari afite maze agura moto ye kuko ubu atari akiroba“
Uyu muvandimwe akomeza avuga ko akimara kumuha ibihumbi 400 yongeyeho aye maze agura moto ya okaziyo, nyuma umusore yaje kumenya ko nyamukobwa yabyariye iwabo ahita afata umwanzuro wo kwishakira undi.
amakuru akomeza avuga ko uwo mukobwa wari usanzwe akora ubucuruzi buciriritse aho i Nyanza, yabwiye umusore ko agomba kumusubiza amafaranga ye niba atemeye kumurongora, undi nawe ntiyabyumvise kugeza ubwo kuri iki cyumweru agerageje kwiyahura bikanga.
Comments are closed.