Sudan y’epfo: Covid-19 yibasiye abayobozi muri guverinoma

Icyorezo cya coronavirus kibsiye bamwe mu bayobozi bakomeye muri guverinoma ya Sudani y’amagepfo.

Icyorezo cya coronavirusi gikomeje kwibasira bamwe mu bgize guverinoma y’igihugu cya Sudan y’amagepfo nyuma yaho bagisanze muri visi prezida wa mbere Dr Riek Machar ndetse na ministre w’ingabo akaba ari n’umugore wa visi prezida akaba yitwa Angelina Teny, ndetse na bamwe mu babarindiraga umutekano.

Kuri ubu, amakuru atangazwa n’ibiro ntaramakuru byo muri icyo gihugu aravuga ko na ministre w’itangazamakuru yamaze kugaragaraho ubwo bwandu bwa covid-19, hari amakuru avuga ko icyo cyorezo kimaze kwibasira abagera ku munani nubwo batanu gusa aribo bamaze kumenyekana.

Aba bose basanzwemo buno bwandu bari mu bagize itsinda ryihariye rya guverinoma rishinzwe kurwanya Coronavirusrikaba riyobowe na Perezida wicyo gihugu Salva Kiir wungirijwe na Visi Perezida we Riek Machar wasanzwemo ku ikubitiro ubwandu bwa Covid-19.

Visi prezida, umugore we n’abashinzwe kubacungira umutekano basanzwemo ubwandu bwa covid-19

Salva Kiir yabonanye n’iri tsinda mu mpera z’icyumweru gishize ariko nta kiratangazwa niba nawe yarapimwe n’uko ahagaze. Uyu munsi kuwa Kane hateganyijwe inama y’abaminisitiri ariko nta muntu uzi abari buyitabire.

Imibare itangazwa na ministeri y’ubuzima igaragaza ko kuri uyu wa Gatatu abantu bashya 134 banduye Coronavirus bituma umubare w’abamaze kwandura bose ari 481. Hamaze gupfa bane, abandi bane barakize.

Salva Kiir nawe ashobora gufatwa ibipimo barebe niba ataranduye covid-19