Hari umuforomokazi wo mu gihugu cy’Ubudage ukekwaho icyaha cyo gutera abaturage serumu mu mutsi ababeshya ko ari urukingo rwa covid-19.
Leta y’igihugu cy’Ubudagi wasabye abaturage barenga ibihumbi 8 bo mu gace ka Friesland, mu majyaruguru y’Ubudage kongera kugaruka kwikingiza icyorezo cya covid-19 kubera ko bikekwa kuba baratewe serumu mu mutsi aho kubatera umuti wo kubakingira icyorezo cya covid-19.
Mbere, abantu batandatu nibo byari byaketswe ko batewe uyu muti utica w’amazi arimo umunyu usanzwe wifashishwa mu gufasha abarwayi, mu kwezi kwa gatatu n’ukwa kane.
Peter Beer umupolisi muri ako karere asubirwamo n’ikinyamakuru Süddeutsche Zeitung, avuga ko uwo muforomokazi w’imyaka 40 yari amaze igihe atangaza ibyo yise “amakuru y’ingenzi cyane kuri corona”, anenga ingamba za leta zo kuranya iki cyorezo.
Leta ivuga ko abantu 8,557 basabwe gusubira kwikingiza bushya, kandi abagera ku 3,600 bamaze kwemeza gusubirayo.
Mu kwezi kwa kane, uwo muforomokazi yemeye ko yateye serumu abantu batandatu mu guhisha ko yari yatuye hasi agacupa k’urukingo.
Ariko mu gihe polisi yakoraga iperereza byabonetse ko hari abandi bantu benshi batewe serumu aho guterwa urukingo rwa Pfizer bari bizeye ko bahawe.
Comments are closed.