Malawi: Lazarus wari umuvugabutumwa utavugaga rumwe na Mutharika yatsinze amatora yo kuyobora Malawi

2,050
Malawi votes in closely watched presidential re-run - The East African

Nyuma y’amatora yabaye kuri uyu wa gatanu mu gihugu cya Malawi, imibare y’agateganyo yamaze kugaragaza ko Lazarus Chakwera ariwe wegukanye intsinzi.

Nyuma y’uko muri Gashyantare, Urukiko rushinzwe kurengera Itegeko Nshinga muri Malawi rutesheje agaciro intsinzi ya Mutharika mu matora yari yabaye muri Gicurasi umwaka ushize, ruvuga ko atabaye mu mucyo, kuri uyu wa kabiri abaturage bo muri icyo gihugu bongeye bazindukira mu matora yo kwihitiramo uzabayobora mu myaka iri imbere. Nyuma y’ayo matora, komisiyo y’amatora muri icyo gihugu yatangaje ko Bwana Lazarus Chakwera ariwe wegukanye intsinzi.

Chakwera yegukanye amatora y’Umukuru w’Igihugu n’amajwi 58.57% nk’uko byatangajwe na Komisiyo y’Amatora kuri uyu wa Gatandatu. Amatora nyir’izina yabaye ku wa Kabiri w’iki cyumweru.

Malawi yahise iba igihugu cya kabiri gitesheje agaciro ibyavuye mu matora nyuma y’ibyakozwe n’Urukiko rushinzwe kurengera Itegeko Nshinga muri Kenya mu 2017.

Nyuma y’intsinzi ye, Chakwera yavuze ko umutima we wasazwe n’ibyishimo ndetse ko gutsinda kwe ari “intsinzi ya demokarasi n’ubutabera”.

Abamushyigikiye biraye mu mibanda yo mu Murwa Mukuru, Lilongwe, bavuza amahoni ndetse bacana n’ibishashi mu kwishimira iyo ntsinzi.

Biteganyijwe ko ahita arahira kuri iki Cyumweru imbere y’imbaga y’abaturage bo muri icyo gihugu.

Izindi nkuru wasoma Izindi nkuru zuyu mwanditsi

Subiza hano

Email yanyu ntaho izigera igiragazwa