Leta yasabye Abamotari gukuraho ibirahuri kuri za casques zabo mu rwego rwo gukumira icyorezo cya Coronavirus.
Mu gihe abarwayi ba Coronavirus bamaze kuba 7, Leta irimo gukaza ingamba zo kongera ubwirinzi mu Banyarwanda mu rwego rwo gukumira ubwandu bushya bw’ako gakoko gatera coronavirus, ku mugoroba wo kuri uyu wa mbere, urwego ngenzuramikorere mu Rwanda RURA rwasabye abamotari gukuraho ibirahure kuri za casques z’abagenzi kuko nabyo biri mu bishobora gukwirakwiza mu buryo bwihuse uvwandu bwa Coronavirus, RURA yavuze ko ayo mabwirizwa agomba gutangira kubahirizwa kuri uyu wa kabiri taliki ya 17 Werurwe. Usibye Abamotari, abagenzi bagendera kuri moto nabo basabwe kwitwaza igitambaro bagomba kwipfuka ku ijosi ku buryo ingofero (casques) idakora ku mubiri we.
Ama coperative y’abamotari nayo yasabwe gushyiraho ibikoresho by’isuku ku maseta y’abamotari ku buryo byorohera abagenzi gukaraba.
Izi ni zimwe mu zindi ngamba zakomeje gufatwa mu rwego rwo kwirinda ikwirakwiza rya Coronavirus. Kugeza ubu mu Rwanda abamaze kwandura iyo virusi baragera kuri 7, uwa mbere wagaragaye ko arwaye yamenyekanye kuri uyu wa gatandatu.
Comments are closed.