Thursday, June 30, 2022
HomeUbuzimaAbarimu 7,214 bashobora guhagarikwa mu kazi kubera ubushobozi buke

Abarimu 7,214 bashobora guhagarikwa mu kazi kubera ubushobozi buke

REB saves Rwf100m for producing academic certificates locally | The New  Times | Rwanda

Umuyobozi mukuru wa REB Dr NDAYAMBAJE yavuze ko abarimu bagera kuri 7,214 mu gihugu cyose bashobora guhagarikwa ku mirimo yabo kubera ubushobozi buke bafite mu kazi k’uburezi.

Nyuma y’uko Raporo y’umwaka wa 2019/2020 ya Komisiyo y’Igihugu ishinzwe Abakozi ba Leta, ishyiriwe hanze ikagaragaza bimwe mu bibazo by’ingutu bibangamiye uburezi bigatuma ireme ry’uburezi riba ryifuzwa na benshi ritagerwaho, umuyobozi w’ikigo k’igihugu gishinzwe guteza imbere uburezi mu Rwanda Dr NDAYAMBAJE Irené, yatangaje ko mu mashuri y’incuke, abanza n’ay’isumbuye hagiye gukorwa amavugururwa azasiga byibuze abarimu bagera kuri 7,214 basezererwa mu mirimo yabo kubera ubushobozi buke bafite mu kazi.

Ibi abivuze nyuma y’aho raporo ivuze ko hari abarimu 1,566 bigisha mu mashuri ya Leta badafite aho banditswe mu buryo bwemewe n’amategeko.

Iyo Raporo ishimangira ko abarimu 762 bigisha bataragaragaje impamyabumenyi zishimangira ubushobozi bwabo. Raporo ikavuga ko ibyo bitera kwibaza niba bafite ubushobozi bwo kuzuza inshingano neza mu myanya barimo.

Umuyobozi w’Ikigo k’Igihugu gishinzwe guteza imbere Uburezi (REB) Dr. Irenée Ndayambaje, yabwiye itangazamakuru ko ubushobozi bw’umwarimu ari bwo bugena intsinzi y’umunyeshuri.

Yagize ati: “Iyo abanyeshuri bigishwa n’abarimu batabifitiye ubushobozi, bidindiza ubushobozi bwabo mu myigire, ariko abarimu bashoboye bagira uruhare mu kongerera umunyeshuri ubushake bwo kwiga no gutsinda.”

Yakomeje ashimangira ko hari abarimu bagiye guhagarikwa kuko batabifitiye ubushobozi, bikazatuma Leta yinjiza abashyashya 7,214 .

Ati: “Twamaze gutegura urutonde rw’abarimu batabifitiye ubushobozi turwohereza muri Minisiteri y’Uburezi. Umwanzuro ni uko abadashaka kwiga uburezi bagomba kuva mu mwuga.”

Ikibazo cy’abarimu bashyirwa mu myanya batujuje ibisabwa si ubwa mbere kigarutsweho. Mu Kwakira 2019 Minisiteri y’Uburezi yatangaje ko yahaye abarimu batujuje ibisabwa igihe cyo kuba bitegura kuva ku mirimo yabo.

Imibare itangazwa na Minisiteri y’Uburezi igaragaza ko mu Gihugu habarurwa abarimu 63,000 barimo 98.6 % by’abigisha mu mashuri abanza bujuje ibisabwa na 76% by’abigisha mu yisumbuye bujuje ibisabwa.

By 2020 only professional teachers will be retained – REB | The New Times |  Rwanda
RELATED ARTICLES

12 COMMENTS

  1. None se barimo gukora recruitment y’abandi batize ubwarimu?Aha Immaculée ni we wagira icyo avuga kuko azi impamvu muri REB bihora ari zunguruka.

  2. Ubwo se Irene ry’uburezi ripimirwa kuri mwarimu gusa! Twnakwibaza niba abayobora ubwo burezi banifitiye ububasha. Nonese mwarimu uzamuha imfashanyigisho zipfuye na policies z’amafuti za hatona hato ngaho ngo Ni mwarimu uzabazwa itsindwa rye! Ubwo se nimwirukana abari batangiye kugira uburambe, mwizeye mute abazaza ko abazirukanwa Ari bo babigishije! Aha!

  3. REB izige gutandukanya icyo yita impamyabushobozi n’ubushobozi .Learning by experience is the first.Ushobora kuba ufite iyo diplome ariko ubumenyi ari buke umu autre umenyereye akazi akakurusha gutanga umusaruro.Ahubwo abo barimu batize uburezi babashakire izo diplome z’uburezi kuko bazi icyo gukora.Noneho bage binjiza abize uburezi .NB barabatabaye igihe mwari mwabuze abarimu none mubituye kubirukana kuko mumaze kugira aho mwigeza?biragatsindwa n’uwiteka ubwo si ubumuntu.Munazirikane n’ihame ryo kugabanya ubushomeri.

  4. Rwose ba birukane ariko bimanze byigweho neza kugira ngo leta batayishora mu manza bamwe barenganijwe kuko nabafite izo nshingano zo kubikurikirana nabo sinzi neza babifitiye ubushobozi mugenzure neza ntihagire urengana Kandi abo bagize uruhare mukubashira mu myanya batujuje ibisabwa babibazwe murakoze

  5. Nukuri nimukaze izo ngamba abatabifitiye ubushobozi baharire abafite ubushobozi ibyabavunnye nabo babibyaze umusaruro ndetse barusheho nokugira uburambe mumwuga bigiye

  6. Ntabwo REB yakwirukana abarimu basanzwe bigisha kuko batujuje ibyangombwa, ahubwo yabasaba kubyuzuza.

    Ese ntakuntu mwajya mushyiraho gihamya kunkuru mutugezaho? Akenshi ntabwo ayamakuru tuba tuyizeye neza. Attach evidence please!

  7. Mukosore ikibazo cya Rwanda educational system mbere ya byose. Muzamure Kandi umushahara was mwalimu abeho nk, abandi ; kuko aho abandi bahahira niho nawe ahahira! Mureke kumubeshyabeshyeshya ubusabusa be, intica ntikize namwe mutatinyuka kujyana ku isoko!!!

    Ibindi byose ; mpamyanyashidikanyako Ari urwitwazo! Ubu se ko mwavuze ngo abatarize uburezi muzabahagarika; ntimwongeye mugahamagara rubanfa nyamwinshi ngobaze bahabwe akazi?

    Ahaaaaaaa! Akajagari Kaba muri ministeri y, uburezi nta handi wagasanga! Mwebwe ubwanyu mwikubite agashyi ; maze mureke gushakira inzitwazo aho zitari!

    Koko rero, n, aho ABO barimi bababadafite ubushobozi; means mibifitemo uruhare! Nimwr mwabahaye akazi mubizi neza ko ntabushobozi bafite! Nyuma yaho ntacyomwakoze ngo mubafashe! Ubwo se ijabo n, ijambo byanyu birihe niba muhora mwivuguruza uko umutima uteye? Ese iryo reme ry, uburezi ryava he niba umurongongenderwaho w, uburezi uhindagurikaburi segonda!

    Yewe , mbabwi,e ukurinshimitse ministeri y, uburezi ifite ikibazogikomeyegusumba ukomubitekereza! Ntimuzigeramubona Irene ry, uburezi igihe cyose muhora muhindagura ibintu buri munsi ; Kandi mukaba muhembwa akayabo nyamara mwarimu Ari kwicira isazi mu maso nk,aho atize nk, abandi!

    Mwikosore Kandi murebe igikwiriye; murakoze!

LEAVE A REPLY

Please enter your comment!
Please enter your name here

- Advertisment -

Most Popular

Recent Comments