Mu Rwanda imibare y’Abarwayi ba #Covid-19 bageze kuri 50
Ministeri y’ubuzima mu Rwanda imaze gutangaza imibare mishya y’abarwayi ba Covid-19 kuri uyu wa kane taliki ya 26Werurwe2020. Kugeza kuri iyi taliki imibare y’abarwayi bose hamwe bamaze kuba 50 nyuma y’aho abandi bantu bagera ku 9 bagaragajwe ko barwaye kuri uyu munsi wa 13 nyuma yaho umurwayi mbere abonetse mu Rwanda, twibutse ko umurwayi wa mbere mu gihugu yagaragaye ku italiki ya 14 Werurwe uno mwaka.
Mu Barwayi 9 basanze bafite covid-19 harimo 5 baturutse I Dubai, umwe yaturutse muri Amerika, undi umwe aturuka mu Buholande mu gihe abandi 2 bagiye bahura n’abandi barwaye coronavirus.
Iri niryo tangazo ryashyizwe hanze na ministeri y’ubuzima none kuwa 26 Werurwe
Ministre w’ubuzima yatangaje ko abarwayi bose bameze neza ko nta numwe urajya mu kigero k’indembe, ministeri y’ubuzima ikomeje gukangurira Abanyarwanda kwitwararika ingamba zose zatanzwe mu rwego rwo gukumira ubwandu bwa Covid-19.
Guverinoma y’u Rwanda yafashe ingamba zitandukanye mu rwego rwo gukumira ubwandu bushya no gukwirakwiza ubwandu bwa coronavirus.
Comments are closed.