Espagne: Umugore wari wasinze, yatwaye imodoka yavuyemo amapine abiri, agenda kilometero 14

Umugore wo muri Espagne yatwaye imodoka ye mu ntera y’ibilometero 14 ku mapine abiri. Uyu mugore wari wasinze ku rwego rwo hejuru ntiyamenye ko andi mapine yari yatakaye.

Uyu mugore wo kirwa cya Mallorca, giherereye mu Burasirazuba bwa Espagne yahise atabwa muri yombi na Polisi yo muri iki gihugu. Bamupimye basanga yagasomye ku buryo bwo hejuru.

Mallorca ni ikirwa giherereye mu Nyanja ya Méditerranée. Iri ku buso bwa kilometero kare 3640. Palma ni wo Murwa Mukuru w’iki kirwa gituwe n’abarenga ibihumbi 900. Abaho batunzwe n’ubukerarugendo n’ubuhinzi.