Komisiyo ishinzwe Abakozi ba Leta yabwiye abagize inteko ishinga amategeko ko hakiri ibyuho byinshi bigituma Leta ihomba abakozi n’amafaranga biturutse kumicungire mibi aho ibigo bitanu Ari byo: WASAC, REG, UR, RRA n ’Akarerere ka Karongi, buyahombeje Leta asaga miliyari 2 mu myaka itanu ishize.
Igice kinini cy’iyi raporo yanditse ku mapaji agera ku ijana kiragaragaza ibibazo bikiri mu micungire y’abakozi ba Leta.
Komisiyo igaragaza ko mu mwaka wa 2021/2022 habaye impinduka nziza ugereranije n’imyaka yawubanjirije kuko ubujurire bw’abarega Leta bufite ishingiro bwavuye kuri 23.7% mu 2020/2021 bugera kuri 12.7% mu 2021/2022
Igipimo cyo gushyira mu bikorwa imyanzuro ya Komisiyo cyarazamutse kiva kuri 96% mu mwaka wa 2020/2021 kigera kuri 99.3% mu mwaka wa
2021/2022.
Mu mwaka wa 2019/2020 Leta yaciwe 118,370,465 naho mu mwaka wa 2020/2021 icibwa 47,368,883 Frw by’indishyi ku manza yaburanye.
Imanza Leta yatsinzwe zavuye kuri 92% zigera kuri 72.6% by’imanza zose yaburanye nk’uko RBA yabitangaje.
Mbere y’uko iyi raporo yohererezwa komisiyo zizayicukumbura mu mitwe yombi y’inteko ishinga amategeko,bamwe mu badepite n’abasenateri bayitanzeho ibitekerezo biganisha ku gufasha komisiyo n’izindi nzego bakorana kurushaho gushakira umuti ibibazo bitandukanye bikigaragara mu micungire y’abakozi ba Leta.
Perezida w’agateganyo w’inama y’abakomiseri muri Komisiyo ishinzwe abakozi ba Leta, Sebagabo Muhire Barnabé avuga ko “bazakomeza gukorana n’izindi nzego ibyemezo bigamije gukumira iki kibazo bigashyirwa mu bikorwa”
