Ku rutonde rw’amakipe 75 ya Ruhago meza ku mugabane wa Afrika, nta kipe n’imwe yo mu Rwanda yaje kuri urwo rutonde rwashyizwe hanze na CAF.
Impuzamashyirahamwe y’umupira w’amaguru ku mugabane wa Afrika CAF yashyize hanze urutonde rw’amakipe 75 ku mugabane wa Afrika haburamo n’imwe yo mu Rwanda.
Kuri urwo rutonde rwashyizwe hanze mu gitondo cyo kuri uyu wa gatanu taliki ya 8, ikipe yaje mbere y’izindi ni ikipe ya Al Ahy SC yo mu gihugu cya Misiri, iyi kipe ikaba ifite amanota 75. Ku mwanya wa kabiri haje ikipe yo muri Afrika Y’epfo ya Mamelody Sundowns n’amanota 62. Ku mwanya wa gatatu haje ikipe ya Espérance Sportive de Tunis n’amanota 57.
RS Berkane yo muri Maroc yaje ku mwanya wa kane n’amanota 52, ikurikirwa na Simba SC yo muri Tanzania ifite amanota 48, SIMBA SC ikaba ari nayo yaje mbere mu makipe abarizwa muri CECAFA, mu gihe mukeba wayo w’ibihe byose ariwe Yanga Africans itigeze igaragara kuri urwo rutonde, ahubwo Namungo FC nayo yo muri Tanzaniya iza ku mwanya wa 75. Indi kipe muyo duturanye yaje hafi, ni ikipe ya Mazembe FC yo muri DRC yaje ku mwanya wa 14
U Rwanda nta kipe n’imwe rufite mu makipe meza yashyizwe hanze na CAF, yaba APR FC izakina CAF Champions League na Rayon Sports izakina CAF Confederation Cup, ibi bikaba bivuze ko championnat yo mu Rwanda yoroheje ku rwego rwa Afrika.
Comments are closed.