Umukino wa gicuti mpuzamahanga wahuzaga City FCAbuja yo muri Nigeria na JKU FC yo muri Zanzibar, wahagaritswe by’agateganyo ubwo inzuki zinjiye mu kibuga cya Kwaraa Stadium muri Tanzania, ku wa Gatatu tariki ya 3 Nzeri 2025. Indorerwamo.com, yamenye amakuru ko iri rushanwa rya Tanzanite Preseason Tournament ryari rikomeje kugenda neza kugeza ku munota wa 78, ubwo inzuki zaturutse mu giti kiri hafi y’ikibuga zasagariye abakinnyi, bose bahabwa amabwiriza yo kuryama hasi kugira ngo barindwe gukomeretswa cyangwa kugira ibindi bibazo.
Si abakinnyi gusa babaye bahagaritse ibyo bari barimo, kuko n’abafata amashusho y’umukino bahise bahagarikaakazi kabo kugira ngo inzuki zibanze zishire.
Nyuma y’uko umutekano wongeye kuboneka, umusifuzi yahise aha uburenganzira umukino urasubukurwa, maze urangira City FC Abuja itsinze JKU FC ibitego 2–1. Iri rushanwa ryitabiriwe n’amakipe atandukanye yo mu bihugu bya Tanzania, Kenya na Nigeria, arimo Bandari FC (Kenya), Tabora United (Tanzania), JKU FC (Zanzibar), Namungo FC (Tanzania), City FC Abuja (Nigeria), TDS (Tanzania), Dodoma Jiji (Tanzania), Tanzania Prisons (Tanzania), Coastal Union (Tanzania) na Fountain Gate FC (Tanzania). Ni irushanwa ryatangiye kuva tariki ya 31 Kanama 2025, biteganyijwe ko rizasozwa ku ya 7 Nzeri 2025.
(Inkuru ya MANISHIMWE Janvier/ indorerwamo.com)
Comments are closed.