Ubushinwa mu mujyi wa Wuhan Baratangaza ko Bamaze Gutsinda Icyorezo Cya COVID-19 Aho Nta Murwayi Usigaye mu Bitaro!

Nta murwayi wa Coronavirus (COVID-19) usigaye mu bitaro i Wuhan mu Bushinwa
aho icyorezo cya virusi ya corona cyatangiriye aribwo cyatangiye gukwira mu Isi.

Abarwayi banyuma 12 banduye virusi ya Corona bavurirwaga mu mujyi wa Wuhan,
basezerewe ejo ku cyumweru nk’uko komisiyo y’ubuzima mu ntara ya Hubei yabitangaje uyu munsi.

Abarwayi bo muri iyo ntara bari basigaye, bose bari barwariye i Wuhan umurwa mukuru w’iyo ntara,
aho icyorezo cyahitanye abantu benshi mu gihugu cy’Ubushinwa. Muri uwo mujyi abantu 3,869 bazize COVID 19,
Ni ukuvuga 80 kw’ijana by’abapfuye bose mu gihugu.

Abayobozi baravuga ko ari umunsi winjiye mu mateka. Intara ya Hubei nta murwayi n’umwe ukekwaho
virusi ya corona uharangwa. Cyakora abantu 1 728 bahuye n’umuntu wanduye, bakurikiranirwa hafi.

Abarwayi basigaye, bari mu bitaro ahandi mu Bushinwa
Hari 67 barwariye Shanghai na batatu i Beijing mu murwa mukuru .

Imijyi myinshi yabonetsemo abanduye virusi ya corona,
bari abantu baturutse hanze, bikaba byaratumye guverinema ihagarika ingendo mpuzamahanga.