Umufasha wa Perezida Nkurunziza yafashe indege yerekeza muri Kenya nyuma yo gusanganwa Coronavirus

Umufasha wa Perezida w’u Burundi, Madamu Denise Bucumi Nkurunziza yuriye indege yerekeza muri kenya, kuri ubu yamaze kwinjira mu bitaro bya Aga Khan i Nairobi/ Kenya nyuma yo kwandura Coronavirus.

Ku wa kane mu gitondo nibwo madamu Denise Nkurunziza yahagurutse i Bujumbura yerekeza i Nairobi muri Kenya, amakuru atugeraho kandi akaba avuga ko Perezida Pierre Nkurunziza atamuherekeje.

Kubera ko ari umuntu ukomeye cyane mu gihugu, ubuzima bwe bwakomeje kugirwa ibanga ibyo kwandura Covid-19 ntibyamenyekana kubaturage.

Kugeza ubu uko ubuzima bwa Madamu Denise Nkurunziza bwifashe ntiburamenyekana.

Umugabo we, Pierre Nkurunziza ntabwo yari mu ndege yamujyanya i Nairobi, kandi yari aherekejwe n’abashinzwe umutekano batatu umwe muri bo na we yanduye Coronovirus.

Ntibyumvikana uburyo yemerewe kwinjira muri Kenya kuva iki gihugu cyarashyizeho amategeko akomeye atemerera abantu banduye Coronavirus kwinjira muri iki gihugu kuko indege yamutwaye!.

Bwana Nkurunziza yakomeje kunengwa hirya no hino ku isi kubera gukora bike mu guhagarika ikwirakwizwa ry’iki cyorezo cyahagaritse isi yose.

Uburundi ni kimwe mu bihugu bya Afurika bikomeje gukorana n’umutekano muke mu kwirinda iki cyorezo cyamaze kuzungereza ku isi.

Igihugu cyakoze amatora rusange kandi gikomeza ubuzima nk’ibisanzwe, nubwo umubare w’ubwiyongere ugenda wiyongera mu bihugu bituranye cyane cyane u Rwanda.

Kugeza ubu igihugu cy’uburundi kimaze kwandika abantu 42 banduye, 20 bakize ndetse n’urupfu rumwe gusa.