Prezida Paul Kagame yihanganishije abanya Zambia nyuma y’aho umukambwe Dr Kenneth Kaounda waharaniye ubwigenge bw’icyo gihugu ashizemo umwuka.
Ku munsi w’ejo hashize taliki ya 17 Kamena 2021 nibwo inkuru y’akababaro y’urupfu rwa Dr Kenneth Kaounda yashyirwaga hanze nyuma y’igihe yari amaze ari kurwana n’umutima kuko yari amaze iminsi afite ikibazo cy’ubuhumekero.
Kenneth Kaounda wari ufite imyaka 97 yose, yaryamiye ukuboko kw’abagabo niwe uza ku isonga mu baharaniye ubwigenge bw’igihugu cye maze agahirika ingoma ya bagashakabuhake b’abongereza bari bamaze imyaka myinshi bakolonije icyo gihugu ubwo cyari kigifatanye na Zimbabwe, byitwa Rodeziya, imwe yari Rodeziya y’amajyepfo indi ari Rodeziya y’amajyaruguru.
Abinyujije ku rukuta rwe rwa twitter, prezida wa Repubulika y’u Rwanda Paul KAGAME yihanganishije abaturage ba Zambiya kubera kubura umuntu bitaga intwari y’ubwigenge bwabo.
Mu Butumwa Kagame yageneye Abanya Zambia yagize ati: “Nihanganishije umuryango wa Kenneth Kaounda n’abanyazambiya muri rusange, umuhate we wo kubohora Afrika ntuzibagirana,….”
