Ibinyamakuru byo muri Korea ya Ruguru bitangaza ko Perezida wabo Kim Jong-un avuga ko umuvuduko udasanzwe icyorezo cya Covid kiriho ari akaga gakomeye ku gihugu cye.
Mu nama yihutirwa yabaye kuri uyu wa gatandatu, Kim Jong-un yategetse ko hokoreshwa ingufu zose kugira barwanye covid-19 mugihu cye.
Ni inyuma y’aho abategetsi b’icyo gihugu batangarije ku musi wo kuwa kane ko habonetse abantu ba mbere banduye Covid, n’ubwo abahanga bemeza ko icyo cyorezo kihamaze igihe kitari gito.
Hari ubwoba ko iki cyorezo gishobora kugira ingaruka mbi cyane muri Korea ya Ruguru.
Abanyagihugu bacyo bashobora kuhagirira ingorane kubera nta mugambi w’inkingo uri mu gihugu, kandi n’urwego rushinzwe ubuzima nta bushobozi rufite.
Kuri uyu wa gatandatu, ibinyamakuru bya leta byatangaje ko mu byumweru bikeya bishize hagaragaye abene gihugu bagera ku cyakabiri cya miriyoni bagaragaza ukwifuza gukabije mu buryo budasobanutse
Iki gihugu gifite uburyo buke bwo gupima, rero bikaba bishoboka ko hari abanduye Covid bashobora kuba batazwi.
Imibare yazamutse cyane ugereranije n’ibyari byatangajwe ku wa kane no ku wa gatanu, bigaragaza uburyo covid ibangamiye cyane Korea ya Ruguru.
Icyinyamakuru KCNA cyasubiyemo Kim avuga ati: “ikwirakwira ry’icyorezo cya Covid 19 niko kaga ka mbere gakomeye gateye igihugu cyacu kuva kibayeho”.
Avuga ko iki kibazo kivuye ku bushobozi buke bw’abategetsi n’abashinzwe ubuzima bw’abantu, asaba ko bakwigira ku bindi bihugu uburyo byarwanyije icyi cyorezo, atanga urugero rw’igihugu cy’inshuti , ’Ubushinwa.
Comments are closed.