Mukarere ka Karongi umurenge wa Gashali kuri uyu wa Gatandatu tariki ya 28 habereye umuganda usoza ukwezi kwa Gashyantare wari witabiriwe n’abayobozi batandukanye, no guhemba imirenge yitwaye neza yahanze udushya.
Hahembwe ibikorwa umunani bidasanzwe byatoranyijwe mu bindi bikorwa by’indashyikirwa mu kwishakamo ibisubizo no kwegereza abaturage ubuyobozi, byahembwe ku rwego rw’Intara y’Iburengerazuba.
Guhemba abagize uruhare muri ibyo bikorwa byabereye mu Murenge wa Gashali mu Karere ka Karongi, nyuma y’Umuganda rusange wo ku wa 28 Gashyantare 2026.
Kamwe mu dushya twahemwe ni “NGIRA NKUGIRE” ni gahunda yashyizweho n’ubuyobozi bw’umurenge wa Rangiro igamije gukemura bimwe mu bibazo bihangayikishije abaturage b’umurenge wa Rangiro, by’umwihariko guhangana n’ibibazo by’isuku nke, ubukene, n’ibindi bibazo byugarije imiryango bigira ingaruka ku iterambere ryabo.”
Sobanukirwa gahunda ya NGIRA NKUGIRE ni gahunda yashyizweho n’ubuyobozi bw’umurenge wa Rangiro igamije gukemura bimwe mu bibazo bihangayikishije abaturage b’Umurenge wa Rangiro, by’umwihariko guhangana n’ibibazo by’isuku nke, ubukene, n’ibindi bibazo byugarije imiryango bigira ingaruka ku iterambere ryabo.
Kuva muri Nyakanga 2025, iyi gahunda ikorera guhera ku rwego rw’Isibo, aho imiryango itatu yegeranye ihurira kurugo rumwe kugira ngo baganire ku bibazo bijyanye n’isuku, imibereho myiza, iterambere ry’umuryango, ndetse n’ubuzima buboneye mu miryango, ibi bikaba byitwa “kumenya ibibazo bibugarije”.
Ibi byose bigamije gushyiraho umuryango utuje, ushoboye kandi wizewe, udafite ubukene, amakimbirane, n’umwanda. Buri wa Kane, ibibazo byanditswe muri iyi miryango bazinduka bishakamo ibisubizo bakabikemura, nyuma yaho, abagize iyi miryango bagira ibiganiro basangira bakungurana ubumenyi n’ubunararibonye ku buryo bakemura ibibazo by’umuryango, ibi bikaba byitwa “gukemura ibibazo”.
Iyigahunda itangirira ku rwego rwa Isibo, Isibo itanga raporo ku rwego rw’umudugudu kugira ngo berekane uko gahunda ishyirwa mu bikorwa, kandi ibibazo bidasubijwe ku rwego rw’ Isibo bigahita byoherezwa ku mudugudu, ibi ni ugutanga raporo ku bijyanye na gahunda.
Ibibazo bijyanye n’ibikorwaremezo, nko ku mihanda n’ibiraro, bivuze ko bisaba imbaraga nyinshi, hamwe n’ibibazo bijyanye n’umutekano w’abantu byoherezwa ku rwego rw’umudugudu.
Ku rwego rw’akagari, bashyira mu bikorwa gahunda ya NGIRA NKUGIRE bahuza ibyavuye mu midugudu. Ku rwego rw’umurenge, niho ibikorwa byose byakorewe mu midugudu no mu tugari byegeranywa, hagakorwa ubukangurambaga no gushaka abafatanyabikorwa ba ngira nkugire, inama n’abafatanyabikorwa ziraterana, kandi hatangwa inama ku buryo iyi gahunda yakora neza kurushaho kugirango ifashe abaturage bacu kubona inzira zibarokora mu bukene no kwimakaza umuco w’isuku.
Ibyo gahunda ya Ngira nkugire yakemuye mu murenge.
Bivugwa ko hamaze kubakwa ibimoteri 238 bishyirwamo imyanda, uturima tw’igikoni 438 duhingwamo imboga, ahantu 5 ho gukarabira intoki, ibyobo 46 bifata amazi, ubwiherero 26 no gutanga ihene 3, Hamaze kuzura amazu 30 yari mu mihigo harimo 2 yabatagiraga aho kuba na 28 yabari muri Nyakatsi, hakaba hari kwigishwa imiryango 160 izafashwa kwikura mubukene no kwirinda amakimbirane muri gahunda one hundred weeks ,hamaze gukorwa metero 600 z’umuhanda ugana aho bashyingura mu mudugudu wa Kaneke,hamaze gusanwa ibiraro bihuza imidugudu n’utugali ahantu hatandukanye.
IBIHEMBO BY’ABAHANZE UDUSHYA MU NTARA Y’UBURENGERAZUBA
Ikiciro cya Mbere (Bahembwe 2,000,000 Frw)
Umudugudu wa Kaganza n’uwa Rusororo) kubera igikorwa cy’indashyikirwa cyo kwiyubakira ikiraro kibahuza. Iki kiraro kigamije guteza imbere ubuhahirane hagati y’abaturage, kuborohereza ingendo, no kubagezaho ibikorwa remezo birimo amashanyarazi n’ibindi by’ingenzi.
Ikiciro cya Kabiri (Bahembwe 1,000,000 Frw buri umwe)
Umurenge wa Rugera (Akarere ka Nyabihu) ku gashya bise “Umuturage ku Isonga, Turushaho Kumwegera”. Aka gashya kagamije kunoza serivisi zihabwa abaturage, kwihutisha ikemurwa ry’ibibazo byabo no kongera ubwitabire muri gahunda za Leta.
Akarere ka Rubavu) ku gashya bise “Umuyobozi mu Isibo”, kagamije kwegera abaturage, kumenya ibibazo byabo no kubikemura ku gihe.
Akagari ka Bweramana, Umurenge wa Muhororo, Akarere ka Ngororero ku gashya bise “Ndandata Nkurandate, Tugeraneyo ku Gihe”. Aka gashya kagamije kurwanya ubukene no gushishikariza abaturage kwizigamira no kwiteza imbere.
Umurenge wa Gashali ku gashya bise “Ejo Heza Isonga mu Isibo”, kagamije kongera ubwitabire muri gahunda y’ubwizigame bw’igihe kirekire Ejo Heza no gukangurira abaturage kwizigamira ejo hazaza habo.
Umurenge wa Rwimbogo ku gashya bise “Byose mu Isibo”, kagamije kuzamura ubwisungane mu kwivuza (CBHI), gahunda ya Ejo Heza ndetse no kunoza itangwa rya serivisi muri rusange.
Umurenge wa Rangiro ku gashya bise “Ngira Nkugire”, kagamije guteza imbere isuku n’isukura no kurwanya ubukene mu baturage.
Umurenge wa Musasa ku gashya bise “Tubukemurire mu Isibo, Dusohoke Dukeye”, kagamije kuzamura ubwitabire muri gahunda ya Ejo Heza no gufasha abaturage kugera ku ntego z’iterambere.
Ni mugihe izigahunda zo gukorera ku Mihigo usanga itanga umusaruro mu rwego rwo kwishakamo ibisubizo ku bibazo biba byugarije umuryango mugari.
Comments are closed.