Umukaridinali wo muri Cameroun yashimushwe n’abitwaje intwaro

Ejo kuwa kane, abitwaje intwaro baharanira ubwigenge bw’agace ko muri iki gihugu bashimuse Karidinali Christian Tumi wo muri Cameroun ari nawe gusa iki gihugu kigira.

Amakuru Musenyeri George Nkuo umushumba wa diyoseze ya Kumbo mu ajyaruguru yahaye BBC, avuga ko kardinali Tumi ari kumwe n’umwami wo muri ako gace Nso Sehm Mbinglo I, n’abo bari kumwe, bashimuswe n’abantu bitwaje intwaro, ubwo bari mu nzira basubira mu mujyi wa Kumbo bavuye mu majyepfo mu murwa mukuru Yaoundé.

Musenyeri Nkuo avuga ko abakiristu Gatolika n’abaturage benshi ba Kumbo kuwa gatanu bafashe urugendo n’amaguru berekeza aho bakeka ko uyu mu kardinali yaba afungiwe.

Kardinal Christian Tumi Wiyghan w’ikigero cy’imyaka 90, asanzwe ari umushumba w’icyubahiro wa diyosezi ya Duala mu burengerazuba bwa Cameroon.

SRC: BBC