Umwalimukazi wo muri Leta ya Mississipi muri Leta Zunze ubumwe za Amerika yahiriye mu nzu n’abana be batandatu barapfa.
Mu ijoro ryo kuri uyu wa gatandatu muri Leta ya Mississipi muri Leta Zunze ubumwe za Amerika ahagana saa sita z’ijoro, umuryango w’abantu bagera ku 8 watewe n’inkongi y’umuriro utwika inzu y’imbaho barimo maze umugore n’abana be batandatu barashya barakongoka harokoka umugabo gusa. Amakuru dukesha BBC avuga ko umugabo ariwe wabashije kurokoka ariko nawe akaba yajyanywe kwa muganga kubera ko yangiritse cyane.
Abaturanyi babwiye NBC ko uno mugore w’imyaka 33 yari asanzwe ari umwalimukazi kandi ko wari usanzwe ari umuryango mwiza muri ako gace ku buryo bashenguwe n’agahinda k’urupfu rw’uyu muryango. Abashinzwe kuzimya umuriro bavuze ko basanze abana bakongotse, ni umuryango wari ugizwe n’abahungu 5 n’umukobwa 1.
