Umunya Nigeria Lookman Ademola ukinira ikipe ya Atalanta yo mu Butaliyani yaraye atorewe kuba ariwe munyafrika wahize abandi muri ruhago mu mwaka wa 2024.
Bwana Ademola Lookman ukomoka mu gihugu cya Nigeria, akaba akinira ikipe ya Atalanta mu gihugu cy’u Butaliyani niwe waraye utowe nk’umukinnyi mwiza wahize abandi ku mugabane wa Afurika 2024, mu birori byabereye muri Maroc mu ijoro ryo ku wa 16 Ukuboza 2024.
Ni ibihembo byatanzwe hakurikijwe ibyo abakinnyi bagezeho mu mwaka w’imikino wa 2023-2024 haba mu makipe basanzwe bakina hirya no hino ku Isi ndetse no makipe y’ibihugu bakomokamo aho igihembo kiba gihanzwe amaso ni icy’umukinnyi mwiza w’umugabo cyangwa se Ballon d’Or ya Afurika.
Muri uyu mwaka hari hahanganye abakinnyi barimo umunyezamu Ronwen Williams ukomoka muri Afurika ukinira ikipe ya Mamelodi Sundowns, Umunya-Maroc Achaf Hakimi, Umunya-Côte d’Ivoire Simon Adingara, Umunya-Guinnea Conakry Serhou Guirassy ndetse n’Umunya-Nigeria Ademola Lookman.
Iki gihembo nyamukuru cyegukanywe na Ademola Lookman Olajade Alade Aylola Lookman, Umunya-Nigeria wavukiye i Londres mu Bwongereza, aho mu mwaka w’imikino wa 2023-2024 yafashije ikipe ye ya Atalanta mu Butaliyani kwegukana igikombe cya Europa League atsinze ibitego 3-0 iyi kipe yatsinze ku mukino wa nyuma Bayern Leverkusen wenyine. Muri rusange uyu musore muri uyu mwaka w’imikino yakinnye imikino 45 mu marushanwa yose atsinze ibitego 17, anatanga imipira 10 yavuyemo ibitego kuri bagenzi be.
Ademola Lookman kandi muri Mutarama 2024, yafashije Nigeria amaze gukinira imikino 23 muri rusange kuva yatangira kuyikinira muri Werurwe 2022 akaba amaze gutsindamo ibitego bitandatu, kugera ku mukino wa nyuma w’Igikombe cya Afurika 2023 nubwo bahatsindiye na Côte d’Ivoire yegukanye iki gikombe. Mu bandi bahembwe harimo umutoza wa Côte d’Ivoire Emerse Fae wabaye umutoza w’umwaka, nyuma yo gutwara igikombe cya Afurika 2023 cyakinwe mu 2024 atsinze Nigeria ku mukino wa nyuma.
Comments are closed.