Gasabo: Hafashwe abantu 20 bishe amabwiriza yo kwirinda Covid-19 bari mu kabari banywa inzoga mu gihe hapfuye undi wa 17 ariyo azize.

Ushobora kumva abishe amabwiriza yo kwirinda Covid-19 bikgutangaza ariko abantu bamaze kwirara abambara agapfukamunwa nabi abinjira mu masoko badakarabye.

None ku mugoroba wo kuri Uyu wa Gatatu tariki ya 02 Nzeri 2020,mu masaha ya 18:30, abantu babarirwa muri 20 bafatiwe mu kabari kazwi nk’Umunara Bar kari mu Murenge wa Gisozi mu Kagari ka Ruhango, muri Gasabo.

Mu gihe inama y’Abaminisitiri yo ku wa 26 Kanama yakajije ingamba zo kwirinda Covid-19 nyuma yo kubona ko iki cyorezo kigenda gifata indi ntera, haracyakomeje kugaragara umubare munini w’abantu barenga kuri aya mabwiriza.

Aba bantu bafashwe na polisi begeranye bari kunywa inzoga z’amoko yose birengagije ko muri iki gihe utubari tutemerewe gufungura kubera ingamba zo kwirinda COVID-19.

Amabwiriza yo kwirinda icyorezo cya COVID-19 abuza utubari gufungura imiryango ariko hari bamwe nabamwe bakomeje gufatwa bayarenzeho. kuberako usanga utubari tumwe usanga hari abatujyanye mungo abandi bakinga ahobinjirira bakabanyuza mu gikari

Undi muntu wa 17 yashwe na COVID-19 mu Rwanda abandi 76 barayandura

Minisiteri y’Ubuzima yatangaje ko umubyeyi w’imyaka 71 wo mu karere ka Rusizi yabaye umuntu wa 17 wahitanwe na Covid-19 mu Rwanda.

Iyi Minisiteri yanatangaje ko mu bipimo 5,792 byafashwe uyu munsi habonetsemo abantu 76 bashya banduye iki cyorezo gikomeje koreka isi yose.

Abanduye barimo ab’I Kigali 47 (abahuye n’abanduye, Rusizi:21 (abanduye mu bibasiwe kurusha abandi) Gisagara:4, Rubavu:3, Huye:1 .

Kuva Covid-19 yagera mu Rwanda kuwa 14 Werurwe 2020,abamaze kuyandura bose ni 4218.

Uyu munsi kandi hakize abantu bashya 27 bituma umubare w’abamaze gukira iki cyorezo bose uba 2,071.Abakirwaye ni 2,130.