Kenya: Leta yiyemeje gukata imishahara y’Abakozi y’abayobozi kugira ngo igoboke ba Ntahonikora muri ibi bihe bya Covid-19
Prezida Kenyatta wa Kenya yiyemeje gukata imishahara y’abayobozi mu rwego rwo gukusanya inkunga yo kugoboka abantu bagizweho ingaruka z’ingamba zo kwirinda covid-19
Mu gihe ibihugu byinshi bikomeje gufata ingamba nyinshi kandi zitandukanye mu rwego rwo kwirinda indwara ya Covid-19, Kenya nayo yasabye Abaturage bayo kwirinda gusohoka mu rwego rwo kwirinda ikwirakwiza ry’ubwandu bwa Covid-19, ibintu byakomeje kuba ikibazo ku bantu bari batunzwe no guhaguruka bakajya gupagasa, mu rwego rwo gukemura icyo kibazo, mu ijwi rya Prezida Kenyatta UHURU we na Visi prezida we Bwana RUTO WILLIAMS bamaze gutangaza ko bemeye gutanga 80% by’umushara bahembwa agakusanywa agashyirwa hamwe n’andi akajya kurengera bamwe mu BanyaKenya bagizweho ingaruka n’ingamba zo kurwanya Covid-19.
Prezida KENYATTA yavuze ko usibye we na Visi prezida we, aba ministre n’abakozi bo mu nteko ishingamategeko bagomba gukurwaho 30% ku mishahara y’uku kwezi, abandi ni Abanyamabanga ba Leta muri za Ministeri bagomba gukurwaho 20%, hakiyongeraho n’andi Leta izatanga ndetse n’abakorera imwe mu mimiryango mpuzamahanga muri Kenya yasabwe kunganira icyo gikorwa.
Kuri ubu igihugu cya Kenya kiri gukusanya miliyari 10 yo kurengera imiryango ya ba ntahonikora iri mu kato kubera covid-19. Prezida wa Kenya yasabye Abaturage kumufasha muri kino gikorwa.
