Itangazo rya Minisiteri y’Ubuzima rivuga ko abantu babiri ari bo bagaragaye kuri iki cyumweru baranduye coronavirus, bandujwe n’abo bahuye na bo, byatumye ubu abarwaye Covid-19 bagera ku 100. Kuri iki cyumweru,Nyuma yuko abantu bane bari bamaze igihe bitabwaho barekuwe barataha nyuma yo gukira Covid-19. Abarekuwe ni Abanyarwanda batatu n’umuntu ufite ubwenegihugu bw’Umurundi.
Ibi byatumye umubare w’abarwaye Coronavirus mu Rwanda ugera ku bantu 104. Muri aba, bane bakaba bakize banasezererwa mu bitaro.
Itangazo rya Minisiteri y’Ubuzima rivuga ko abo barwayi babiri bagaragaye uyu munsi ari abatahuwe ko bahuye n’abandi barwaye Coronavirus mu Rwanda.
Minisiteri y’Ubuzima kandi ivuga ko abo bagaragaweho Coronavirus bose bahise bashyirwa mu kato, kandi hakomeje gushakishwa abantu bose bahuye na bo, kugira ngo basuzumwe ndetse bitabweho n’inzego z’ubuzima.
Minisiteri y’Ubuzima isaba Abaturarwanda bose gukomeza kwitwararika, bakurikiza ingamba zafashwe na Leta y’u Rwanda.
Ibimenyetso by’ingenzi bya Coronavirus ni inkorora, guhumeka bigoranye, n’umuriro. Umuntu wese ugaragaza ibi bimenyetso asabwe kwihutira guhamagara umurongo utishyurwa ari wo 114 cyangwa akitabaza umujyanama w’ubuzima umwegereye.
TUGUME MURUGO TUBASHE KWIRINDA COVID-19
Comments are closed.