China: Abarenga 20 begujwe ku murimo yabo nyuma yaho Coronavirus yishe abagera ku 103 ku munsi umwe gusa

Leta y’Ubushinwa imaze kwirukana abakozi bo hejuru barenga 20 nyuma yaho CORONAVIRUS yiciye abagera ku 103 ku munsi umwe gusa.

Ubutegetsi bw’igihugu cy’Ubushinwa bwasezereye abakozi bo ku rwego rwo hejuru barenga 20 nyuma yaho bitwaye nabi ku cyorezo cya Coronavirus cyahitanye abagera ku 103 bose ku munsi umwe gusa. Guverinoma yavuze ko yasezereye umuyobozi mukuru w’ishyaka riri ku butegetsi ari nawe uyobora akanama k’ubuzima mu ntara ya HUBEI, yirukanywe n’umwungirije, usibye abo, hirukanywe n’umuyobozi wa Croix Rouge muri iyo ntara kubera uburangare bagize bugatuma ubwandu bugera muri iyo ntara. Kugeza ubu ubwandu ubwandu bushya muri iyo ntara ya HUBEI bugeze kuri 2097, mu gihe mu bushinwa hose ubwandu bushya bugeze kuri 42.200.

Ariko muri rusange mu gihugu cyose, ubwandu bushya bwari bwagabanutse ku rugero rwo 20%. Kuva kino cyorezo cyagera mu Bushinwa, abayobozi benshi bagiye beguzwa bazira uburangare mu gukumura icyo cyorezo cya Coronavirus.