Ishyaka CNDD-FDD rimaze kwegukana intsinzi ku majwi 68.7% mu gihe CNL ya Agathon Rwasa yagize 24%.
Nyuma y’iminsi itanu gusa habaye amatora my gihugu cy’Uburundi, uyu munsi nibwo komisiyo y’igihugu ishibzwe gutegura amatora CENI yashyikirije imibare y’agateganyo ibitangariza muri Hoteri yo mujyi wa Bujumbura yitwa Hotel du lac Tanganyika, ahantu hari inzego nyinshi z’igihugu zitandukanye, nk’uko indorerwamo.Com yari yabitangaje mu nkuru zabanje, koko nta cyatunguranye kuko ishyaka rya CNDD-FDD ariryo ryegukanye intsinzi ku majwi 68.78% amajwi angana n’abantu miliyoni 4,484,928 y’abaturage bose batoye mu matora atatu yakorewe icyarimwe.
Ishyaka CNL rya Agathon RWASA wari umaze iminsi atangaza ko ariwe wegukanye intsinzi, yaje ku mwanya wa 2 n’amajwi 24.19 bivuga ko yatowe n’abantu 1,084,588 mu batoye bose. Ku mwanya wa gatatu haje ushyaka rya UPRONA n’amajwi 1.64% ikurikirwa na KIRA Burundi yagize 0.55% mu gihe ishyaka rya FRODEBU ryagize 0.47% rikaba ryaje ku mwanya wa 5.
Evariste Ndayishimiyewa CNDD-FDD na Agathon Rwasa nibo bahabwaga amahirwe
Muri uwo muhango wayoboye na prezida wa CENI, Agathon Rwasa ntiyari yawitabiriye. Biteganijwe ko prezida utowe azayobora u Burundi imyaka itanu iri imbere, ishyaka CNDD FDD niryo shyakariyoboye igihugu guhera mu mwaka wa 2005.
