Icyangombwa cy’ivuka cy’umwana wa Ishimwe Vestine ntikiriho amazina ya se Ouedraogo

Urukiko rw’Ibanze rwa Kicukiro rwaburanishije urubanza rushingiye ku kirego Idrissa Ouedraogo yarezemo umugore we Ishimwe Vestine, asaba ko hakorwa isuzuma ry’uturemangingo ndangasano (DNA) tw’umwana babyaranye no kumwereka umwana, aho hari hasabwe icyangombwa cy’ivuka ry’umwana ngo hemezwe ko ariho koko, ariko icyatanzwe ntikigaragaza amazina ya se w’umwana nka Idrissa Ouedraogo, ariko aya nyina ni Ishimwe Vestine.

Ibi byanzuwe n’uru rukiko ku wa 21 Ukwakira 2026 ubwo impande zombi zari zimaze kuburana nyuma y’uko uruhande rwa Ishimwe rutanze icyangombwa cy’ivuka ry’umwana kizwi nka ‘Actes de Naissance’ kiburanwaho ariko iburanisha ryabereye mu muhezo.

Kuri iyi nshuro Idrissa yari yongeye gusubira mu rukiko ari kumwe n’umwunganizi we mu gihe uruhande rwa Ishimwe rwo rusanzwe ruhagararirwa n’umwunganizi we mu mategeko.

Ni nyuma y’uko gusoma uru rubanza kwari kwasubitswe inshuro ebyiri kuko ku itariki ya 7 Ukwakira 2026 uru Rukiko rwafashe umwanzuro wo kurusubika ku mpamvu z’uko mu gitondo cy’uwo munsi umunyamategeko wa Ishimwe yari yashyize muri ‘système’ ya EICMS yo gutangiramo no gukurikirana ibirego mu buryo bw’ikoranabuhanga.

Ni inyandiko yari ikubiyemo ibaruwa umunyamategeko wa Ishimwe yandikiye Perezida w’Inteko Iburanisha, agaragaza ko we n’umukiliya we bemeye ko umwana wa Ishimwe na Idrissa yapimwa DNA nyuma y’uko bari babanje kuburana babihakana.

More Read

Huye: Umugabo n’umugore we bakurikiranweho kwica umuzamu wabo

Kamonyi: Umusore ukurikiranyweho ibyaha birimo gukorakora ibere ry’umwana yasabiwe gufungwa imyaka 25

RIB yashyize umucyo ku rupfu rw’Umunyarwanda rwitiriwe Abanya-Sudani y’Epfo

Ikibuga cy’Indege cy’i Bugesera kigiye kujya cyubakwa amanywa n’ijoro kugeza cyuzuye

Rwahise rwimurirwa ku itariki ya 14 Ukwakira 2026 ariko na bwo, mu gihe urukiko rwari rumaze gusoma ibijyanye n’imyirondoro no kugaragaza aho urubanza rugeze, havuka imbogamizi y’uko muri IECMS nta nyandiko y’ivuka izwi nka ‘acte de naissance’ irimo, rwongera gusubikwa kuko iburanisha ritashoboraga gukomeza iyo nyandiko itabonetse.

Icyo gihe urukiko rwanaciye uruhande rwa Ishimwe amande ya 200.000 Frw ku bwo gutinza urubanza.

Kuri uyu munsi iburanisha ryari riteganyijwe saa Tanu ariko ryatangiye saa sita n’iminota itanu. Perezida w’iburanisha yahise asaba abatari ba nyiri urubanza bose gusohoka kuko urubanza ruburanishwa mu muhezo kandi bihita bikorwa.

More Read

Muhanga: Polisi n’Ingabo barasaba ubufatanye mu gucunga umutekano

Shema Fabrice wayoboraga FERWAFA yeguye

Burundi: Leta ishobora kwitambika urugendo rwa Ndikuriyo Reverien wateganyaga kuza i Kigali

Nyabihu: Abaregwa  gucuruza inzoga z’ibyuma baburaniye mu ruhame

Iburanisha ryamaze nk’isaha ariko ababuranyi basohotse buri ruhande rushaka guhita rugenda. Abanyamakuru bari bahari ari benshi bagerageje gushaka amakuru ariko ntibyaboroheye, icyakora babashije kumenya ko ruzasomwa ku itariki ya 28 Ukwakira 2026 saa cyenda z’amanywa.

Idrissa Ouedraogo wari kumwe n’abamwunganira mu mategeko, yihutiye kwinjira mu modoka ye ntiyagira byinshi avuga, gusa mu magambo make yabwiye itangazamakuru ko uruhande rwa Ishimwe Vestine rutashyize amazina ya se w’umwana ku nyandiko y’ivuka rye, ndetse ubona ari ibintu byamurakaje cyane.

Icyangombwa cy’ivuka IGIHE yaboneye kopi kigaragaza ko umwana yavukiye muri Canada muri Gashyantare 2026, amazina y’ababyeyi ariho akaba aya mama we gusa.