Ishami ry’umuryango w’abibumbye ryita ku buzima OMS, ritangaza ko abagera ku 100 bamaze kwandura indwara ya Ebola yongeye kwaduka muri Repubulika ya Demokarasi ya Congo.
Ni umubare ukubye kabiri umubare w’abarwayi bari babonetse mu byumweru bitanu bishize.
Abantu ba mbere banduye iyi Ebola nshya babonetse i Mbandaka umugi mukuru w’intara ya Equateur, mu burengera zuba bw’igihugu.
Kugeza ubu Ebola imaze gukwirakwira muri ako karere.
OMS ivuga ko iri kugorwa no guhangana n’iyi ndwara kuko abaturage yibasiye bo muri ako karere batuye mu mashyamba y’inzitane, kenshi batuywe batandukanyijwe n’intera ndende.
Ebola yongeye kwaduka muri Congo ku nshuro ya 11.
