Minisitiri Nduhungirehe yakiriye Jérémie Blin ugiye guhagararira Umuryango w’Ubumwe bw’u Burayi (EU) mu Rwanda

Minisitiri w’Ububanyi n’Amahanga n’Ubutwererane, Amb. Olivier Nduhungirehe, yakiriye kopi z’impapuro zemerera Jérémie Blin guhagararira Umuryango w’Ubumwe bw’u Burayi (EU) mu Rwanda, amusaba kuzakomeza guteza imbere umubano usanzwe hagati y’impande zombi.

Mu muhango wabereye muri MINAFET, Minisitiri w’ububanyi n’amahanga Amb.Nduhungirehe yashimiye Jérémie Blin ku nshingano yahawe n’icyizere yagiriwe n’Umuryango w’Ubumwe bw’u Burayi cyo kuwuhagararira mu Rwanda, anagaragaza ubushake bw’u Rwanda bwo gukomeza gukorana bya hafi na EU mu nzego zitandukanye z’iterambere.

Yamwijeje ubufatanye n’inkunga bikenewe kugira ngo asohoze neza inshingano ze nshya, ashimangira ko umubano hagati y’u Rwanda na EU ukomeje gutera imbere no gutanga umusaruro mu nzego zirimo ubukungu, iterambere ry’imibereho myiza y’abaturage, uburezi ndetse n’imishinga itandukanye igamije kuzamura imibereho y’Abanyarwanda.

Jérémie Blin atangiye inshingano ze mu Rwanda asimbuye Belén Calvo Uyarra, wari uhagarariye Umuryango w’Ubumwe bw’u Burayi mu Rwanda kuva mu mwaka wa 2022. Mu gihe yari muri izi nshingano, Belén Calvo Uyarra yagize uruhare mu gukomeza gushimangira ubufatanye hagati ya EU n’u Rwanda mu bikorwa bitandukanye by’iterambere.

Ishyirwaho rya Jérémie Blin rije mu gihe u Rwanda na EU bikomeje ubufatanye mu mishinga myinshi igamije guteza imbere ubukungu, ibikorwa remezo, guhanga imirimo, kurengera ibidukikije no guteza imbere urwego rw’abikorera.

More Read

Musanze: Ubuyobozi bwashimye ubwitabire bw’abaturage mu matora y’inzego z’ibanze

Kubyaza abaturage inyungu binyuze mu kwakira ruswa n’indonke imwe mu mpamvu barwanira kuyobora umudugudu bazi ko batazahembwa

Kigali: Abanyarwanda bitabiriye igikorwa cyo kwitorera abayobozi b’inzego z’imidugudu ari benshi

Menya ibisabwa abashaka kwiyamamaza mu matora y’Inzego z’Ibanze

Abasesenguzi bavuga ko uyu mubano ukomeje kuba umwe mu nkingi z’ingenzi zifasha u Rwanda mu rugendo rwo kwihutisha iterambere no kugera ku ntego z’icyerekezo cyarwo cy’iterambere rirambye.

Kwakira kopi z’impapuro zemerera ambasaderi gukora inshingano ze ni intambwe ya mbere mu buryo bwa dipolomasi, mbere y’uko atanga ku mugaragaro impapuro zimwemerera guhagararira igihugu cyangwa umuryango yoherejwe n’umukuru w’igihugu cyamwakiriye.

Jérémie Blin ategerejweho gukomeza guteza imbere umubano n’ubutwererane hagati y’Umuryango w’Ubumwe bw’u Burayi n’u Rwanda, mu rwego rwo gukomeza gushimangira inyungu rusange z’impande zombi.

More Read

DRC: Abakozi ba perezidansi babujijwe kugira ikiganiro cyangwa ubushuti n’ababiligi

MINAFET yakiriye ku meza ba ambasaderi batanu harimo n’uw’ibihugu bya EU

Urugo rwa Perezida Tshisekedi rwasatswe

Impinduka zatangijwe mu Rwego rw’Akagari iri mu z’ibanze mu Rwanda

Amb. Nduhungirehe ari kumwe na Gérémie Blin