Burundi: Amababi y’inturusu yabaye imari ikomeye mu kwifashishwa hirindwa covid-19

Hari abantu bari gucuruza Amababi y’inturusi, ngo ari kwifashishwa mu gukora umuti wo kwirinda Coronavirus

Mu mihanda y’umugi wa Bujumbura mu gihugu cy’Uburundi haragaragara abantu benshi bafite Amababi y’inturusu bari kugenda bayagurisha mu mihanda no muri za ofisi zo muri uwo mugi, umwe mu bacuruza ayo mababi y’inturusi yabwiye ujunyamakuru wa Buja Express dukesha iyi nkuru ko ayo mababi bari kuyagurisha kuko ashobora gukorwamo umuti wo gukingira covid-19.

Umunyamakuru wa Buja Express yavuze ko kugeza ubu umufungo umwe w’Amababi y’inturusu uri kugura amafranga y’amarundi ari hagati ya 1500 na 2000.

Nubwo bimeze bityo, ministeri y’ubuzima muri icyo gihugu yasabye abaturage kudaha agaciro no kwitondera gukoresha iyo miti kuko aho kubakiza ishobora kubatera izindi ndwara.