Umuhanzi nyarwanda usigaye aba muri Canada, Safi Madiba yatangaje ko yanduye icyorezo cya Coronavirus.

Safi yavuze ko yanduye iki cyorezo asaba abantu gukomeza kwirinda bubahiriza amabwiriza kuko iki cyorezo kiriho.

Mu butumwa yashyize ku rukuta rwe rwa Instagram yohererejwe nyuma yo kwipimisha, buragira buti “Safi Madiba yanduye COVID-19, asabwe kwishyira mu kato.” Ubu butumwa bwaherekejwe n’amagambo agira ati“iki cyorezo kiriho mwitonde.”

Safi Madiba ari muri Canada kuva muri Gashyantare 2020, akaba yanduye iki cyorezo nyuma y’iminsi mike asohoye indirimbo nshya yise Sound.