Amerika: Perezida Trump yavuze ko nta Covid-19 agifite

9,144

Perezida Trump yavuze ko nta Covid-19 agifite

Perezida wa Leta zunze ubumwe za America Donald Trump yavuze ko nta Covid-19 agifite kandi ko Atari mu byago byo kuyanduza.

Yabitangaje kuri uyu wa 11 Ukwakira mu kiganiro yagiranye na Fox News akaba aniteguye gukomeza ibikorwa byo kwiyamamaza guhera ejo kuwa mbere.

Yagize ati:”Nakorewe isuzuma ryo ku rwego rwo hejuru, ubu bisa nkaho ntashobora kugira uwo nanduza”.

Trump yavuze ko ibipimo byagaragaje ko ashobora gukomeza ibikorwa byo kwiyamamaza kandi ntabe yagira uwo yanduza, gusa umuganga umuvura ntiyigeze atangaza ko Trump yakize burundu iki cyorezo.

Hashize icyumweru kirenga Perezida Trump atangaje ko we n’umugore we Melanie Trump banduye Covid-19, nyuma bakaba barahise bishyira mu kato kugirango batangire urugendo rwo gukira.

Ku itariki 15 Uwakira nibwo hari hateganyijwe ikiganiro mpaka cya 2 hagati ya Donald Trump na Joe Biden, ariko komisiyo ishinzwe gutegura ibiganiro mpaka ku bahatanira kuyobora Amerika iherutse gutangaza ko iki kiganiro kitakibaye. 

Impamvu ngo nuko Trump yanze kuzakora iki kiganiro mu buryo bw’ikoranabuhanga, mu gihe iki kiganiro kimuriwe kuwa 22 ukwakira 2020.

Leave A Reply

Your email address will not be published.