Ikipe ya Cameroune yakiriye ano marushanwa n’ikipe y’igihugu ya Cape vert byatangiye AFCON bibona amanota atatu.
Kuri iki Cyumweru taliki ya 9 Mutarama 2022 muri Cameroun hatangiye imikino y’igikombe cya Afurika cya 2021 kiri guhuza ibihugu 24, igikombe cyatangijwe n’ibirori byanakurikiranywe n’abayobozi barimo Perezida wa Cameroun Paul Biya, Perezida wa FIFA ndetse na Perezida wa CAF.
Umukino wafunguye irushanwa wahuje ikipe ya Cameroun yari imbere y’abafana bayo, ndetse na Burkina Faso, umukino warangiye Cameroun itsinze ibitego 2-1.
Ikipe ya Burkina Faso ni yo yafunguye amazamu ku munota wa 24 w’umukino ku gitego cyatsinzwe na Gustavo Sangare, Cameroun iza kwishyura kuri Penaliti yatsinzwe na Vincent Aboubakar ku munota wa 40, atsinda n’icya kabiri nacyo cya penaliti ku munota wa gatatu w’inyongera y’igice cya mbere.
Undi mukino wo muri iri tsinda watangiye i Saa tatu zuzuye, warangiye Cap Vert itsinze Ethiopia igitego 1-0, cyatsinzwe na Julio Tavares ku munota wa 45 n’umutwe, ku mupira yari ahawe na Garry Rodrigues.
Comments are closed.