Covid-19: None ku wa 23 Gicurasi umunsi umwe Abanduye barenze ibihumbi 108 bwa mbere!

7,873

Imibare y’abandura n’abicwa na Covid-19 ku Isi ikomeje kwiyongera, ku wa Gatanu tariki 22 Gicurasi Ishami ry’Umuryango w’Abibumbye ryita ku Buzima, (OMS), ritangaje ko abanduye umunsi umwe gusa ku Isi bari ibihumbi 108 633, abandi 5300 barapfa.

OMS igaragaza ko abari banduye ku wa Kane bari ibihumbi 107 mu gihe ku wa Gatatu bari ibihumbi 106 bivuze ko imibare ikomeje kwiyongera.

Ni mu gihe kandi ibihugu hirya no hino ku Isi bikomeje koroshya ingamba zisaba abaturage kuguma mu ngo.

Ibi byatumye abamaze kwandura ku Isi baba 5 306 496 naho abandi 340 055 nibo bamaze gupfa.

Muri Leta Zunze Ubumwe za Amerika, kuri uyu wa Gatanu bapfushije abantu 1 293, abandi 24 197 barandura.

Ibi byatumye abamaze kwandura Covid-19 muri iki gihugu baba 1 645 353, naho abandi ibihumbi 97 655 bamaze gupfa.

Leta Zunze Ubumwe za Amerika kandi nizo zikomeje kuza imbere mu kugira umubare munini w’abanduye n’abamaze gupfa ku Isi, Brésil yaje ku mwanya wa Kabiri mu banduye kuko ari 332 382 , hamaze gupfa 21 116.

U Burusiya buza ku mwanya wa gatatu kuko bufite abanduye 326 448 hamaze gupfa 3 249, muri Espagne handuye 281 904, hamaze gupfa 28 628, mu Bwongereza handuye 254 195, hamaze gupfa 36 393.

Ku mugabane wa Afurika wose hamaze kugaragara abantu 105 845 banduye Covid-19, abamaze gupfa basaga 3 204 naho abakize ni 42 881.

Afurika y’Epfo iri imbere mu kugira abafite ubwandu benshi kuko ari 20 125, abamaze gupfa ni 397, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 707 naho abamaze kwandura ni 15 786.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 1 161 hapfuye 50, Tanzania iza ku mwanya wa kabiri, kuko handuye 509 hapfuye 21.

U Rwanda rufite abanduye 321, abamaze gukira ni 222, muri Uganda ubu hari abanduye 175, mu Burundi handuye abantu 42 hapfa umwe naho muri Sudani y’Epfo hamaze kwandura abantu 563 hamaze gupfa batandatu.iyi ndwara umuti wo kuyivura ukaba ukomeje kubura kuko nta rukingo igira! abaturage barasabwa gukomeza kumva amabwiriza bahabwa n’izego z’ubuzima.

Leave A Reply

Your email address will not be published.