Eritereya yikuye mu marushanwa yo gushaka itike ya AFCON

Ikipe y’umupira w’amaguru ya Eritrea yikuye mu marushanwa Nyafrika yo guhatanira itike y’imikino ya AFCON izaba umwaka utaha.

Ikipe y’igihugu ya Eritrea izwi ku kazina ka ZEBRA yikuye mu marushanwa yo guhatanira itike yo gukina imikino Nyafrika AFCON izaba umwaka utaha ikabera mu gihugu cya Cote d’Ivoire.

Muri uku kwezi Igihugu cya Eritrea cyagombaga gukina na Botswana mu mikini ibiri y’amajonjora yo gushaka itike y’igikombe kizaba mu mwaka wa 2023 kikazabera muri Cote d’Ivoire.

Aya makuru yemejwe n’ubuyobozi bw’umupira w’amaguru mu gihugu cya Botswana, ikavuga ko nayo yamaze kubimenyeshwa n’impuzamashyirahamwe y’umupira w’amaguru ku mugabane wa Afrika CAF mu ibaruwa baherutse kwakira yanditswe na CAF.