Jose Chameleone yabonye amanota 12 kuri 20 mu bizamini bisoza ayisumbuye bimuha anahirwe yo gukomeza Kaminuza.
Joseph MAYANJA wamenyekanye cyane ku izina rya Jose Chameleone mu njyana ya Afrobeat ndetse yigarurira imitima y’abakunzi benshi ba muzika kuri ubu ufite imyaka 41, ubu ari mu byishimo byinshi nyuma y’aho ikigo gishinzwe uburezi murI icyo gihugu gishyiriye hanze ibyavuye mu bizamini bya Leta byakozwe ku banyeshuri bashoje ayisumbuye mu mwaka w’amashuri wa 2019 agasanga ari mu batsinze n’amanota atari mabi kuko yabonye amwemerera gukomeza kaminuza. Bwana Chameleone yagize amanota 12 kuri 20.
Chameleone wari warabujijwe amahirwe yo kujya muri politiki kubera ikibazo cyo kutiga, biravugwa ko azaba ari gukabakaba inzozi ze.
