Kenya: Barashaka abantu 400 bo kugeragerezaho urukingo rwa COVID-19

4,122

Abashakashatsi muri Kenya barashaka abantu 400 bafite ubushake bo gufasha igeragezwa ry’igishobora kuba urukingo rwa coronavirus mu bushakashatsi bwa kaminuza ya Oxford yo mu Bwongereza.

Kemri-Wellcome Trust iyoboye ubu bushakashatsi ivuga ko abakenewe bose bagomba kuba ari abakozi mu by’ubuzima baba i Mombasa no hafi yahoo ahitwa Kilifi aho iri gerageza rizabera.

Uru rukingo bagiye kugerageza rwiswe:ChAdOx1 nCoV-19 ruri no kugeragezwa ku bantu babishaka barenga 1,000 mu Bwongereza.

School Musanze

Mu gihe Kemri-Wellcome Trust yizeye ko muri Kenya bazabishyigikira, iki kigo cyasabye ikigo cy’ubushakashatsi mu buvuzi cya Kenya (Kenya Medical Research Institute) gushaka abo bantu bazakoreraho igerageza.

Mu minsi ishize habayeho impaka ku kugeragereza inkingo z’iki cyorezo muri Afurika.

Aba bashakashatsi bavuga ko inzego zishinzwe igenzura mu gihugu zigomba kubanza kubyemeza mbere y’uko igeragezwa ritangira.

Aba bashakashatsi bavuga ko uruhare rwa Kenya muri iri gerageza ari ingenzi cyane mu kumenya niba urwo rukingo rushobora kuzakoreshwa n’ahandi ku mugabane wa Afurika. gusa umuntu yakwibaza ibyari byaravuzwe ubwo umushakashatsi wo mu bufaransa washakaga ko urukingo rwageragerezwa muri Afurika?

Mu kwezi gushize abahanga muri siyansi bo muri kaminuza ya Oxford batangaje ko bagomba kuzaba barabonye nibura ‘dose’ (ingano runaka) miliyoni y’urukingo rwa coronavirus mu kwezi kwa cyenda uyu mwaka.

Gusa, haracyari kare kwemeza niba uru rukingo ruzaba rukora neza kandi nta bibazo ruteje ubuzima.

Urukingo rwa covid-19 ni iki?

Inkingo zitoza ubwirinzi bw’umubiri w’umuntu kurwana n’indwara, nka Covid-19.

Amatsinda y’abahanga agera nibura kuri 80 ku isi, harimo na kompanyi nini z’imiti, ari gushakisha uko yagera kuri uru rukingo ndetse amwe yatangiye kurugerageza ku bantu.

Ubu bushakashatsi buri gukorwa ku muvuduko udasanzwe – imirimo ubundi ikorwa mu myaka barareba uko yafata amezi. uru rikingo ruri kugeragezwa ruraza nyuma y’urukingo igihugu cya Madagascar cyavumbuye aho Perezidawa Madagascar avugako ruvura Covid-19. nubwo OMS yakomeje kwanga urwo rukingo isi itegereje ahazava urukingo cyangwa umuti OMS ikawemeza.

Perezida Andry Rajoelina wa Madagasca anywa ku muti wavumbuwe n’igihugu cye
uyu niwo umuti wavumbuwe na Madagascar yemeza ko uvura

Ubushakashatsi burakomeje bwo gushaka ahava umuti n’urukingo rwa Covid-19.

Email yanyu ntaho izigera igiragazwa